പൗരത്വ നിയമത്തിനോ എൻപിആറിനോ സ്റ്റേയില്ല; പൗരത്വ ഭേദഗതി നിയമത്തിനെതിരായ ഹര്ജികള് അഞ്ചംഗ ബെഞ്ചിനു വിട്ടുകൊണ്ട് സുപ്രീംകോടതി ഉത്തരവിട്ടു; ഹര്ജികളിന്മേല് മറുപടി നല്കാന് കേന്ദ്ര സര്ക്കാരിന് നാലാഴ്ച്ചത്തെ സമയവും കോടതി നല്കി
പൗരത്വ ഭേദഗതി നിയമത്തിനെതിരായ ഹര്ജികള് അഞ്ചംഗ ബെഞ്ചിനു വിട്ടുകൊണ്ട് സുപ്രീംകോടതി ഉത്തരവിട്ടു. ചീഫ് ജസ്റ്റീസ് എസ്.എ.ബോബ്ദെ അധ്യക്ഷനായ മൂന്നംഗ ബെഞ്ചാണ് ഹര്ജികള് അഞ്ചംഗ ബെഞ്ചിനു വിട്ടത്. ഇതിനു പുറമേ, പൗരത്വ നിയമത്തിനെതിരെ സ്റ്റേ നല്കാനാകില്ലെന്നും കോടതി വ്യക്തമാക്കി. ഹര്ജികളിന്മേല് മറുപടി നല്കാന് കേന്ദ്ര സര്ക്കാരിന് നാലാഴ്ച്ചത്തെ സമയവും കോടതി നല്കി. കേസ് ഇനി അഞ്ചാഴ്ചയ്ക്ക് ശേഷം പരിഗണിക്കുമെന്നും കോടതി അറിയിച്ചു.
പൗരത്വനിയമ ഭേദഗതി നടപ്പിലാക്കരുതെന്ന് കേന്ദ്ര സര്ക്കാരിനോട് ആവശ്യപ്പെടണമെന്ന് കപില് സിബല്. അറ്റോര്ണി ജനറല് ഇത് എതിര്ത്തു. 80 അധിക ഹര്ജികള്ക്ക് മറുപടി നല്കാന് ആറാഴ്ചത്തെ സമയം വേണമെന്ന് അറ്റോര്ണി ജനറല് ആവശ്യപ്പെട്ടു. അസം, ത്രിപുര വിഷയ പ്രത്യേകമായി പരിഗണിക്കുമെന്ന് ചീഫ് ജസ്റ്റിസ് അറിയിച്ചു. അഭൂതപൂര്വ്വമായ തിരക്കാണ് ഹര്ജി പരിഗണിക്കുന്ന ഒന്നാം നമ്ബര് കോടതി മുറിക്കുള്ളിലുള്ളത്. ചീഫ് ജസ്റ്റിസ് എസ്.എ.ബോബ്ഡെ അധ്യക്ഷനായ മൂന്നംഗ ബെഞ്ചാണ് വാദം കേള്ക്കുന്നത്. മുതിര്ന്ന അഭിഭാഷകന് കപില് സിബല് ഇതിനെ പിന്തുണച്ചു. ഇക്കാര്യത്തില് എന്തെങ്കിലും ചെയ്യുമെന്ന് ചീഫ് ജസ്റ്റിസ് വ്യക്തമാക്കി.
പൗരത്വ നിയമഭേദഗതിയുമായി ബന്ധപ്പെട്ട് അസമിലെ പ്രശ്നങ്ങൾ വേറെയാണെന്നും, രാജ്യത്തെ മറ്റിടങ്ങളിലെ പ്രശ്നങ്ങൾ വേറെയാണെന്നും ചീഫ് ജസ്റ്റിസ് വ്യക്തമാക്കി. അതിനാൽ അസമിലെ ഹർജികൾ പ്രത്യേകം പരിഗണിക്കും. ത്രിപുരയിൽ നിന്ന് വന്ന ഹർജികളും ഇതിനൊപ്പം പരിഗണിക്കും. രാജ്യത്തെ മറ്റിടങ്ങളിലെ ഹർജികൾ വേറെയായും പരിഗണിക്കും.
https://www.facebook.com/Malayalivartha