ഇന്ത്യക്കെതിരെ പരാമർശവുമായി പാകിസ്ഥാൻ പ്രധാനമന്ത്രി ഇമ്രാൻ ഖാൻ വീണ്ടും രംഗത്ത്.
പാകിസ്ഥാനിൽ സത്രീകൾക്കെതിരെയുള്ള ആക്രമണങ്ങൾ വർദ്ധിച്ചതിന് കാരണം ഇന്ത്യയാണെന്ന തരത്തിൽ ഇമ്രാൻ പ്രസംഗിക്കുകയായിരുന്നു പാകിസ്ഥാനിലെ ജനങ്ങൾ ബോളിവുഡ് ചിത്രങ്ങൾ കാണുന്നതിനാലാണ് രാജ്യത്ത് മയക്കുമരുന്ന് ഉപയോഗവും, പീഡനങ്ങളും വർദ്ധിക്കുന്നതെന്നാണ് ഇമ്രാന്റെ പുതിയ ആരോപണം . രാജ്യത്ത് മൊബൈൽ ഫോൺ ഉപയോഗം വർദ്ധിച്ചതാണ് ബോളിവുഡ് ഹോളിവുഡ് ചിത്രങ്ങളിലെ രംഗങ്ങൾ ജനം കാണാൻ കാരണമാവുന്നതെന്നും അദ്ദേഹം കൂട്ടിച്ചേർത്തു .

കുട്ടികളുടെ അശ്ളീല വീഡിയോയും ചിത്രങ്ങളും കാണുന്നത് ശീലമാക്കിയവരുടെ എണ്ണം പാകിസ്ഥാനിൽ വർദ്ധിക്കുന്നതായി അടുത്തിടെ റിപ്പോർട്ടുകൾ പുറത്തുവന്നിരുന്നു . സ്‌കൂളുകൾക്കുള്ളിൽ പോലും മയക്കുമരുന്ന് സുലഭമായി ലഭിക്കുന്നുവെന്നും ഇമ്രാൻ ഖാൻ പ്രസംഗത്തിനിടെ കുറ്റപ്പെടുത്തി.ഇന്ത്യക്കെതിരെ പല വിമർശനങ്ങളും ഇതിനു മുന്പും ഇമ്രാൻ ഖാൻ ഉന്നയിച്ചിരുന്നു.