കല്ക്കരിപ്പാടം കേസ്: മന്മോഹന് സിംഗിന് പിന്തുണയുമായി കോണ്ഗ്രസ്, സിംഗ് സത്യത്തിന്റെ പ്രതീകമാണെന്ന് സോണിയാ
മുന് പ്രധാനമന്ത്രി ഡോ. മന്മോഹന് സിംഗിനു പിന്തുണയുമായി കോണ്ഗ്രസ്. കോണ്ഗ്രസില് നിന്നും സിംഗിന് എല്ലാവിധ പിന്തുണയും ഉണ്ടാകുമെന്ന് കോണ്ഗ്രസ് അധ്യക്ഷ സോണിയാ ഗാന്ധി പറഞ്ഞു. ഇന്നലെയാണ് കല്ക്കരിപ്പാടം അഴിമതി കേസില് മന്മോഹന് സിംഗിനെ പ്രതിചേര്ക്കപ്പെട്ടത്. സിംഗ് സത്യത്തിന്റെ പ്രതീകമാണെന്നും അദ്ദേഹത്തിന് പാര്ട്ടി ഉറച്ച പിന്തുണ നല്കുമെന്നും സോണിയാ ഗാന്ധി പറഞ്ഞു. സിംഗ് നിരപരാധിയാണെന്ന് എ.കെ.ആന്റണി പറഞ്ഞു. കല്ക്കരിപ്പാടങ്ങള്ക്ക് അനുമതി നല്കിയത് നയപരമായ തീരുമാനമാണ്. കോടതിയുടെ നടപടിയെ നിയമപരമായും രാഷ്ട്രീയമായും നേരിടുമെന്നും ആന്റണി വ്യക്തമാക്കി.
മന്മോഹന് സിങ്ങിനെതിരെ കേസെടുക്കാനാകില്ലെന്ന് മുന്പ് രണ്ടുതവണ സിബിഐ വ്യക്തമാക്കിയിരുന്നതാണെന്നും അദ്ദേഹം കൂട്ടിച്ചേര്ത്തു. മന്മോഹന് സിങ്ങിന്റെ വീട്ടിലേക്കു നടത്തിയ മാര്ച്ചിനു ശേഷം സംസാരിക്കുകയായിരുന്നു നേതാക്കള്. മന്മോഹന് സിങ്ങിന് ഐക്യദാര്ഢ്യം പ്രഖ്യാപിച്ച് സോണിയാ ഗാന്ധിയുടെ നേതൃത്വത്തിലാണ് മന്മോഹന് സിങ്ങിന്റെ വസതിയിലേക്ക് മാര്ച്ച് നടത്തിയത്. കോണ്ഗ്രസ് പ്രവര്ത്തക സമിതി അംഗങ്ങളും മാര്ച്ചില് പങ്കെടുത്തു. സത്യം ജയിക്കുമെന്ന് തനിക്ക് ഉറപ്പുണ്ടെന്ന് മന്മോഹന് സിംങ് ഇന്നലെ മാധ്യമ പ്രവര്ത്തകരോട് പറഞ്ഞിരുന്നു. നിയമപരമായി അന്വേഷണത്തിന് തയ്യാറാണ്.
എല്ലാ രേഖകളുമായി കേസുമായി മുന്നോട്ട് പോകാനാകുമെന്ന് ഉറപ്പുണ്ട്. സംഭവത്തില് വിഷമമുണ്ടെന്നും എന്നാല് ഇതെല്ലാം ജീവിതത്തിന്റെ ഭാഗമാണെന്നും മന്മോഹന് വ്യക്തമാക്കിയിരുന്നു. 2005ല് അലൂമിനിയം നിര്മാണ കമ്പനിയായ ഹിന്ഡാല്കോയ്ക്ക് കല്ക്കരിപ്പാടം അനുവദിച്ചതിലെ അഴിമതിയുമായി ബന്ധപ്പെട്ട കേസില് സിംഗിനെ പ്രത്യേക സി.ബി.ഐ കോടതി ക്രിമിനല് ഗൂഢാലോചന, അഴിമതി, ജനപ്രതിനിധിയെന്ന നിലയില് വിശ്വാസ വഞ്ചന കാണിച്ചു എന്നീ കുറ്റങ്ങള് ചുമത്തി പ്രതി ചേര്ത്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha