സമ്പന്നരില്‍ നിന്നും പണം സ്വീകരിച്ച് ഇന്ത്യയെ ശുദ്ധീകരിക്കാന്‍ മോഡി. 4 സ്റ്റാര്‍ 5 സ്റ്റാര്‍ ഹോട്ടലുകളില്‍ താമസിക്കുന്നവര്‍ തങ്ങളുടെ സുഖസൗകര്യങ്ങള്‍ക്ക് ചെലവഴിക്കുന്നതിന്റെ കൂടെ സ്വഛ് ഭാരതിലേക്ക് മുതല്‍ക്കൂട്ടാകാന്‍ വേണ്ടി ഒരു ശതമാനം കൂടുതല്‍ നിരക്ക് നല്‍കണമെന്ന് പ്രധാനമന്ത്രി നിര്‍ദ്ദേശിക്കുന്നത് ഇതുകൊണ്ടാണ്.
പണമുള്ളവര്‍ ആഢംബരത്തിന് ചെലവാക്കുന്നതിനൊപ്പം ഇന്ത്യയെ ശുദ്ധീകരിക്കാന്‍ കൂടി അല്‍പം പണം ചെലവഴിക്കട്ടെയെന്നാണ് പ്രധാനമന്ത്രി മോദി പറയുന്നത്. രാജ്യത്തെ ശുചീകരിക്കുകയെന്ന ലക്ഷ്യത്തോടെ മോദി കൊണ്ടു വന്ന യജ്ഞമാണ് സ്വഛ് ഭാരത്. സമ്പന്നരില്‍ നിന്ന് പണം സ്വീകരിച്ച് സ്വഛ്ഭാരത് ഫലപ്രദമായി നടപ്പിലാക്കാനുള്ള ശ്രമങ്ങള്‍ ആരംഭിച്ച് കഴിഞ്ഞുവെന്ന് സാരം.
ഇത്തരത്തിലുള്ള ഹോട്ടല്‍ ബില്ലുകള്‍ക്ക് പുറമെ മറ്റ് നാല് ഹൈ എന്‍ഡ് സര്‍വീസുകളില്‍ കൂടി ഒരു ശതമാനം നിരക്ക് കൂട്ടി സ്വഛ്ഭാരതിന് ഫണ്ടുണ്ടാക്കാന്‍ സര്‍ക്കാര്‍ പദ്ധതിയിട്ടിട്ടുണ്ട്. എന്നാല്‍ അവ ഏതെല്ലാമാണെന്ന് വ്യക്തമായിട്ടില്ല. സ്വഛ്ഭാരത് പദ്ധതിക്കായി വര്‍ഷം തോറും 14,000 കോടി രൂപ പിരിക്കാനാണ് സര്‍ക്കാര്‍ ലക്ഷ്യമിടുന്നത്. ഒരു ടണ്‍ കല്‍ക്കരിക്ക് 200 രൂപ ലെവി ചുമത്തി പ്രസ്തുത പദ്ധതിയുടെ ഫണ്ടിന് സര്‍ക്കാര്‍ മുതല്‍ക്കൂട്ടുന്നുണ്ട്. സര്‍വീസ് ടാക്‌സില്‍ സെസ്സ് ഏര്‍പ്പെടുത്തുന്നതിലൂടെ വര്‍ഷം തോറും 2000 കോടിരൂപയാണ് സര്‍ക്കാരിന് ലഭിക്കുന്നത്. കല്‍ക്കരിക്ക് ലെവി ചുമത്തുന്നതിലൂടെ വര്‍ഷത്തില്‍ 6000 കോടി രൂപയും ലഭിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha