ബംഗ്ളൂരുവില്‍ റസിഡന്റ്ഷ്യല്‍ സ്‌കൂളില്‍ പന്ത്രണ്ടാം ക്ലാസ് വിദ്യാര്‍ഥിനി വെടിയേറ്റു മരിച്ചു. കൂടെയുണ്ടായിരുന്ന മറ്റൊരു കുട്ടിക്ക് പരുക്കേറ്റു. തലയ്ക്കു പരുക്കേറ്റ പ്ലസ്ടു വിദ്യാര്‍ഥിനി ഗൗതമി (17)യാണ് മരിച്ചത്. സംഭവ സ്ഥലത്തുവച്ചുതന്നെ കുട്ടി മരിച്ചുവെന്ന് പൊലീസ് അറിയിച്ചു. പരുക്കേറ്റ കൂട്ടുകാരി ശിശിരയെ ആശുപത്രിയില്‍ പ്രവേശിപ്പിച്ചിരിക്കുകയാണ്. കാഡുഗോടിയിലെ വൈറ്റ് ഫീല്‍ഡ് പ്രഗതി സ്‌കൂളില്‍ ഇന്നലെ രാത്രി പത്തുമണിയോടെയാണ് സംഭവം. സംഭവത്തില്‍ ഓഫിസ് അറ്റന്‍ഡര്‍ മഹേഷിനെ പൊലീസ് അറസ്റ്റു ചെയ്തു. ഇയാളെ ചോദ്യം ചെയ്തു വരികയാണ്.

എന്തിനാണ് ഇയാള്‍ വിദ്യാര്‍ഥിനികള്‍ക്കെതിരെ വെടിവച്ചതെന്ന് വ്യക്തമായിട്ടില്ല. പൊലീസ് കേസെടുത്ത് അന്വേഷണം തുടങ്ങി. ബെംഗളൂരുവില്‍ സ്‌കൂള്‍ കുട്ടികള്‍ പീഡനത്തിന് ഇരയാകുന്നുവെന്ന ആരോപണം ശക്തമാകുന്നതിനിടെയാണ് പുതിയ സംഭവവികാസം. അടുത്തകാലത്തായി നിരവധി പീഡനകേസുകളാണ് ബംഗ്്്‌ളൂരുവിലെ വിവധ സ്‌കൂളുകളില്‍ നിന്ന് പൊലീസ് രജിസ്റ്റര്‍ ചെയ്തിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha