രാജസ്ഥാനില്‍ ഒട്ടകങ്ങളെ കൊല്ലുന്നതു നിരോധിച്ചു. ഇതു സംബന്ധിച്ച ബില്‍ നിയമസഭ പാസാക്കി. സംസ്ഥാനത്ത് ഒട്ടകങ്ങളുടെ എണ്ണം കുറയുന്നതായി കണ്ടെത്തിയതിനെ തുടര്‍ന്നാണു സര്‍ക്കാരിന്റെ നടപടി. ശബ്ദ വോട്ടോടെയാണ് നിയമസഭ ബില്‍ പാസാക്കിയത്. ഒട്ടകങ്ങളെ കയറ്റുമതി ചെയ്യുന്നതിലും വ്യാപാരത്തിലും നിയന്ത്രണമേര്‍പ്പെടുത്തിയിട്ടുണ്ട്. ഒട്ടകങ്ങളെ കൊല്ലുകയൊ മുറിവേല്‍പ്പിക്കുകയൊ ചെയ്താല്‍ അഞ്ച്‌വര്‍ഷം വരെ തടവും ഒപ്പം പിഴയും ലഭിക്കാന്‍ നിയമത്തില്‍ വ്യവസ്ഥയുണ്ട്.
1997ല്‍ ഏഴു ലക്ഷമായിരുന്നു രാജസ്ഥാനിലെ ഒട്ടകങ്ങളുടെ എണ്ണം തുടര്‍ന്ന് 2003 ല്‍ നടത്തിയ കണക്കെടുപ്പില്‍ ഇത് 4,98,000 ആയി കുറഞ്ഞിരുന്നു. 2007ല്‍ കണക്കെടുത്തപ്പോള്‍ എണ്ണത്തില്‍ 18 ശതമാനത്തിന്റെ കുറവുണ്ടായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha