ബിജെപിക്ക് തിരിച്ചടിയാകുന്ന നിരവധി വിവാദ പ്രസ്താവനകളാണ് ഇപ്പോള്‍ വന്ന് കൊണ്ടിരിക്കുന്നത്. മോഡിയും അമിത് ഷായും പറയാന്‍ പാടില്ല എന്ന് പറഞ്ഞാലും നോതാക്കന്മാര്‍ കേള്‍ക്കില്ല .പാര്‍ട്ടി അധ്യക്ഷന്‍ അമിത് ഷായും നരേന്ദ്ര മോഡിയും ഇപ്പോള്‍ അല്‍പം ദേഷ്യത്തിലാണെന്നാണ് റിപ്പോര്‍ട്ടുകള്‍.

പാര്‍ട്ടിക്ക് തലവേദന ഉണ്ടാക്കുന്ന പ്രസ്താവനകള്‍ മൊഴിയരുതെ എന്നാണ് മോഡിയും അമിത് ഷായും നേതാക്കള്‍ക്കെതിരെ താക്കീത് നല്‍കിയിരിക്കുന്നത്. നേതാക്കള്‍ തുടര്‍ച്ചയായി നടത്തുന്ന ഉത്തരവാദിത്വരഹിതമായ പ്രസ്താവനകള്‍ക്കു തടയിടാന്‍ ബിജെപി ഒരുങ്ങുന്നതായാണ് റിപ്പോര്‍ട്ടുകള്‍. ബംഗളുരുവില്‍ നടക്കുന്ന നേതൃയോഗത്തില്‍ പാര്‍ട്ടി അധ്യക്ഷന്‍ അമിത് ഷാ നേതാക്കള്‍ക്ക് ശക്തമായ താക്കീത് നല്‍കിയതായാണു സൂചന.

അടുത്തിടെ കേന്ദ്രമന്ത്രി ഗിരിരാജ് സിംഗ് സോണിയാഗാന്ധിക്കെതിരെ വിവാദ പ്രസ്താവന നടത്തിയിരുന്നു. സോണിയയുടെ നേതൃത്വം കോണ്‍ഗ്രസുകാര്‍ അംഗീകരിച്ചത് അവരുടെ വെളുപ്പു നിറം കണ്ടിട്ടാണെന്ന മന്ത്രിയുടെ വാക്കുകളാണ് വിവാദമായത്.
ഉത്തര്‍പ്രദേശിലെ ഹാജിപൂരില്‍ നടന്ന ബിജെപി പരിപാടിക്കിടയിലായിരുന്നു ഗിരിരാജ് ഇത്തരത്തിലൊരു പരാമര്‍ശം നടത്തിയത്.

രാജീവ് ഗാന്ധി നൈജീരിയക്കാരിയെയാണ് വിവാഹം കഴിച്ചിരുന്നെങ്കില്‍ കോണ്‍ഗ്രസുകാര്‍ അവരെ പാര്‍ട്ടി അധ്യക്ഷയായി അംഗീകരിക്കുമായിരുന്നോ എന്നും ഗിരിരാജ് സിങ് പരിപാടിക്കിടെ ചോദിച്ചിരുന്നു. ഇതും ഏറെ ചര്‍ച്ച ചെയ്യപ്പെട്ടിരുന്നു. കഴിഞ്ഞ വര്‍ഷം ലോക്‌സഭാ തിരഞ്ഞെടുപ്പ് സമയത്ത് പ്രധാനമന്ത്രി നരേന്ദ്ര മോഡിയെ എതിര്‍ക്കുന്നവരെല്ലാം പാക്കിസ്ഥാനിലേക്ക് പോകണമെന്ന് പറഞ്ഞു രംഗത്ത് വന്ന ഗിരിരാജ് സിങ്ങ് വിവാദമുയര്‍ത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha