എസ് രാമചന്ദ്രന്പിള്ള സിപിഎം ജനറല് സെക്രട്ടറിയാവാന് സാധ്യത, പ്രകാശ് കരാട്ടിന്റെയും കേരള ഘടകത്തിന്റെയും പിന്തുണ എസ് ആര്പിക്ക്
സിപിഎമ്മിന്റെ പുതിയ ജനറല് സെക്രട്ടറിയായി എസ്. രാമചന്ദ്രന്പിള്ള തിരഞ്ഞെടുക്കപ്പെടാന് സാധ്യത. ഇതു സംബന്ധിച്ച് ഇന്നലെ കൂടിയ നിര്ണായക പൊളിറ്റ് ബ്യൂറോ യോഗത്തില് എസ്ആര്പിയുടെ പേര് നിര്ദേശിക്കപ്പെട്ടതായാണ സൂചന. അതേസമയം, സെക്രട്ടറിയുടെ കാര്യത്തില് പിബിയില് പൊതു അഭിപ്രായമുണ്ടായില്ല. ഇതു സംബന്ധിച്ച അന്തിമ തീരുമാനം ഇന്നത്തെ കേന്ദ്രകമ്മിറ്റിയില് എടുക്കും. മൂന്നു മണിക്കൂറോളം പിബി യോഗം നീണ്ടുനിന്നെങ്കിലും ഒരു തീരുമാനത്തിലെത്താന് സാധിച്ചില്ല.
നിലവിലെ ജനറല് സെക്രട്ടറി പ്രകാശ് കാരാട്ടിന്റെ പിന്തുണ എസ്ആര്പിക്കാണ്. ജനറല് സെക്രട്ടറിയായി എസ്ആര്പി വരട്ടെയെന്ന് പ്രകാശ് കാരാട്ട് യോഗത്തില് പറഞ്ഞു. അന്തിമ തീരുമാനം കേന്ദ്രകമ്മിറ്റിയിലെടുക്കുമെന്ന് യോഗത്തിനുശേഷം കാരാട്ട് വ്യക്തമാക്കി. സീതാറാം യച്ചൂരിയുടെ പേരും ജനറല് സെക്രട്ടറി സ്ഥാനത്തേക്ക് പരിഗണിക്കപ്പെടുന്നുണ്ട്. എന്നാല് കാരാട്ടിന്റെയും കേരള ഘടകത്തിന്റെയും പിന്തുണ എസ്ആര്പിക്ക് മുന്തൂക്കം കല്പിക്കുന്നു.
ഇന്ന് രാവിലെ ചേരുന്ന കേന്ദ്ര കമ്മിറ്റി ഇക്കാര്യത്തില് തീരുമാനമെടുക്കും. പുതിയ കേന്ദ്ര കമ്മിറ്റിയുടെ പാനലും നിലവിലുള്ള കേന്ദ്ര കമ്മിറ്റി തയ്യാറാക്കി പാര്ട്ടി കോണ്ഗ്രസില് വയ്ക്കും. പുതിയ കേന്ദ്ര കമ്മിറ്റി രൂപീകരിച്ച ശേഷമാവും ജനറല് സെക്രട്ടറി തെരഞ്ഞെടുപ്പ് നടക്കുക. രാമചന്ദ്രന് പിള്ളയുടെ പേര് പ്രകാശ് കാരാട്ട് ഉയര്ത്തിയാല് യെച്ചൂരി മത്സരിക്കുമെന്നും സൂചനയുണ്ട്. അങ്ങനെ വന്നാല് കേന്ദ്ര കമ്മറ്റിയിലെ അംഗബലത്തിന്റെ പിന്ബലത്തില് യെച്ചൂരി ജനറല് സെക്രട്ടറിയാകുമെന്നും വിലയിരുത്തലുണ്ട്. എന്നാല് ഔദ്യോഗികമായി മുന്നോട്ട് വയ്ക്കുന്ന രാമചന്ദ്രന് പിള്ളയുടെ പേരില് വിഭാഗീയതയുടെ സൂചന നല്കിയുള്ള വോട്ടെടുപ്പിന് യെച്ചൂരി തയ്യാറാകില്ലെന്ന അഭിപ്രായങ്ങളും സജീവമാണ്.
സീതാറാം യെച്ചൂരിയും എസ് രാമചന്ദ്രന് പിള്ളയും ജനറല് സെക്രട്ടറി സ്ഥാനാര്ത്ഥിത്വത്തില് ഉറച്ച് നിന്നതോടെയാണ് സെക്രട്ടറി സ്ഥാനത്തെ കുറിച്ച് അഭ്യൂഹങ്ങള് ശക്തമായത്. യെച്ചൂരിക്കായി വി എസ്.അച്യുതാനന്ദന്, മണിക് സര്ക്കാര്, ബുദ്ധദേവ് ഭട്ടാചാര്യ, നിരുപം സെന് തുടങ്ങിയ മുതിര്ന്ന നേതാക്കളും പശ്ചമബംഗാള് ഘടകവും ഉറച്ചു നിന്നപ്പോള് എസ്.ആര്.പിക്കായി പ്രബലമായ കേരള ഘടകം നിലകൊണ്ടു. ആലപ്പുഴയിലെ സംസ്ഥാനസമ്മേളനത്തില് നിന്ന് ഇറങ്ങിപ്പോയി പാര്ട്ടിയെ പ്രതിസന്ധിയിലാക്കിയ വി എസ്.അച്യുതാനന്ദന് പാര്ട്ടി കോണ്ഗ്രസില് ആഹ്ലാദത്തോടെയാണ് പങ്കെടുത്തത്. അദ്ദേഹത്തെ കേന്ദ്ര കമ്മിറ്റിയില് നിലനിര്ത്തും. സ്ഥിരം ക്ഷണിതാവ് എന്ന നിലയക്കാകുമെന്നും സൂചനയുണ്ട്. മറ്റ് നേതാക്കളുടെ കാര്യത്തില് പ്രായപരിധി ശക്തമായി പാലിക്കും.
കേന്ദ്രകമ്മിറ്റിയുടെ പുതിയ പാനലിനെയും ഇന്ന് പ്രഖ്യാപിക്കും. പുതുമുഖങ്ങളായി 14 പേര് കേന്ദ്രകമ്മിറ്റിയില് ഉള്പ്പെടും. വി.എസ്. അച്യുതാനന്ദനെ കേന്ദ്രകമ്മിറ്റിയില് നിന്ന് ഒഴിവാക്കി, പ്രത്യേക ക്ഷണിതാവിക്കുന്നതിനാണ് സാധ്യത. പാലോളി മുഹമ്മദ്കുട്ടി, ബുദ്ധദേവ്, നിരുപം സെന് എന്നിവര് ഒഴിവായി. എ.കെ. ബാലനെ കമ്മിറ്റിയില് ഉള്പ്പെടുത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha