കേന്ദ്രമന്ത്രി സ്മൃതി ഇറാനിയുടെ അശ്ലീലചിത്രങ്ങള് വാട്സ് ആപ്പിലൂടെപ്രചരിപ്പിച്ചതിന് ഒരാള് അറസ്റ്റില്
കേന്ദ്രമന്ത്രി സ്മൃതി ഇറാനിയുടെ അശ്ലീലചിത്രങ്ങള് വാട്സ് ആപ്പിലൂടെ പ്രചരിപ്പിച്ചതിന് സ്വന്തംമുന്നണിയിന് നിന്നുള്ള ഒരാള് അറസ്റ്റില്. എല്ജെപിയുടെ ബീഹാറിലെ പ്രാദേശിക നേതാക്കളില് ഒരാളായ ഉമാശങ്കര് മിശ്രയാണ് വിവാദത്തില് കുടുങ്ങിയത്.
സ്മൃതിയുടെ അശഌല ചിത്രങ്ങള് സ്വന്തം മൊബൈലില് നിന്നും മറ്റുള്ളവര്ക്ക് അയച്ചുകൊടുത്തെന്ന പരാതിയിലായിരുന്നു അറസ്റ്റ്. ബീഹാര് സൈബര് പോലീസ് എടുത്ത കേസില് പരാതി നല്കിയത് ബി.ജെ.പി നേതാവായ രാജീവ് രഞ്ജനായിരുന്നു. ഇദ്ദേഹം തെളിവുകളുമായി പോലീസ് സ്റ്റേഷനില് എത്തുകയും ഉമാശങ്കറിനെതിരേ പരാതി നല്കുകയുമായിരുന്നു.
ശനിയാഴ്ച സ്വന്തം തട്ടകമായ സമസ്തിപൂര് നഗരത്തില് വെച്ചായിരുന്നു അറസ്റ്റ് ചെയ്തത്. കേന്ദ്രമന്ത്രി രാംവിലാസ് പസ്വാന്റെ അടുത്തയാളും സമസ്തപുര് ടൗണ് പ്രസിഡന്റുമാണ് ഉമാശങ്കര് മിശ്ര. ബിജെപി നേതാക്കള് ഉള്പ്പെടെ പലര്ക്കും ഇയാള് ചിത്രങ്ങള് അയച്ചു കൊടുത്തതായി ആരോപണമുണ്ട്. മിശ്രയ്ക്കെതിരേ നടപടിയെടുക്കാന് ബിജെപി പസ്വാനോടും ആവശ്യപ്പെട്ടിട്ടുണ്ട്.ദിവസങ്ങള്ക്ക് മുമ്പാണ് ഗോവയിലെ ഒരു കടയില് നിന്നും സ്മൃതി ഇറാനി ഒളി ക്യാമറ കണ്ടെത്തിയത്. ഫാബ് ഇന്ത്യ എന്ന കടയില് സാരി വാങ്ങാനെത്തിയ സ്മൃതി ഇറാനി വസ്ത്രംമാറുന്ന മുറിയില് ഒളിക്യാമറ കണ്ടെത്തുകയായിരുന്നു.
ബിഹാര് പോലീസിലെ സൈബര് ക്രൈം വിഭാഗമാണ് കേസ് അന്വേഷിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
