പഞ്ചാബ് ഉപമുഖ്യന്ത്രിയുടെ ബസില്‍ മാനഭംഗശ്രമം തടയാന്‍ ശ്രമിച്ച പെണ്‍കുട്ടിയെയും അമ്മയെയും അക്രമികള്‍ പുറത്തേക്ക് വലിച്ചെറിഞ്ഞ സംഭവത്തില്‍ കുറ്റക്കാര്‍ക്ക് അനുകൂല പ്രസ്താവനയുമായി പഞ്ചാബ് വിദ്യാഭ്യാസ മന്ത്രി സുര്‍ജിത് സിംഗ് രഖ്ര രംഗത്തെത്തി. മന്ത്രിയുടെ പ്രസ്താവന സര്‍ക്കാരിനെ കൂടുതല്‍ പ്രതിരോധത്തിലാക്കി. സംഭവത്തെ ഗൗരവം കുറച്ച് കണ്ട മന്ത്രി സുര്‍ജിത് സിംഗ് രഖ്ര, പെണ്‍കുട്ടിയുടെ മരണം ദൈവനിശ്ചയമാണെന്നാണ് പ്രസ്താവന നടത്തിയത്.
വിധിയെ തടുക്കാന്‍ ആര്‍ക്കുമാവില്ല. കാറുകളും വിമാനങ്ങളും പോലും അപകടത്തില്‍ പെടാറുണ്ട്. അതിനാല്‍ തന്നെ ഇത്തരം കാര്യങ്ങള്‍ ദൈവ നിശ്ചയത്തിന് വിടുകയാണ് വേണ്ടത് മന്ത്രി പറഞ്ഞു. വ്യാഴാഴ്ചയാണ് സംഭവം നടന്നത്.
പഞ്ചാബിലെ മോഗയില്‍ നിന്ന് ബട്ടിന്‍ഡയിലേക്കുള്ള എ.സി ബസില്‍ അമ്മയും 14കാരിയായ മകളും 10 വയസുള്ള മകനും കയറിയത്. മോഗയില്‍ നിന്ന് പത്ത് കിലോമീറ്റര്‍ പിന്നിട്ടതോടെ അമ്മയെയും മകളെയും ബസിലുണ്ടായിരുന്ന ഒരു സംഘം ശല്യപ്പെടുത്താന്‍ തുടങ്ങി. ബസില്‍ അധികം ആളുകളുണ്ടായിരുന്നില്ലെന്നാണ് അറിയുന്നത്. സംഭവം കണ്ടക്ടറിനെ അറിയിച്ചെങ്കിലും അയാളും ക്‌ളീനറും സംഘത്തിനൊപ്പം ചേര്‍ന്ന് ഇരുവരെയും പീഡിപ്പിക്കാന്‍ ശ്രമിച്ചു. ബസ് നിറുത്താന്‍ െ്രെഡവറോട് ആവശ്യപ്പെട്ടെങ്കിലും ഫലമുണ്ടായില്ലെന്നാണ് പെണ്‍കുട്ടിയുടെ അമ്മ പൊലീസിന് നല്‍കിയ മൊഴി. പീഡനശ്രമത്തെ ചെറുത്തതോടെ ആദ്യം മകളെയും പിന്നീട് അമ്മയെയും ഓടിക്കൊണ്ടിരുന്ന ബസില്‍നിന്ന് പുറത്തേക്ക് എറിയുകയായിരുന്നു. ബസ് അമിതവേഗത്തിലായിരുന്നു. റോഡില്‍ തെറിച്ചുവീണ ഇരുവരെയും നാട്ടുകാരാണ് ആശുപത്രിയിലെത്തിച്ചത്. തലയ്ക്ക് ഗുരുതരമായി പരിക്കേറ്റ പെണ്‍കുട്ടി ആശുപത്രിയിലെത്തിക്കും മരിച്ചു.
അതേസമയം, രഖ്രയുടെ പാര്‍ട്ടിയാകട്ടെ ഇതൊരു അപകടമരണമാണെന്ന് പ്രതികരിച്ചത്. നിരവധി അപകടങ്ങള്‍ ഉണ്ടാവാറുണ്ടെന്നും അവയ്ക്കുള്ള നഷ്ടപരിഹാരം കോടതിക്ക് പുറത്ത് നല്‍കി ഒത്തുതീര്‍ക്കുമെന്നാണ് പാര്‍ട്ടിയുടെ മോഗയില്‍ നിന്നുള്ള എം.എല്‍.എ ജോഗീന്ദര്‍ പാല്‍ ജെയിന്‍ പറഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha