അധോലോക നായകന്‍ ദാവൂദ് ഇബ്രാഹിം പാക്കിസ്ഥാനില്‍ ഉണ്ടെന്ന് ഇന്നലെയാണ് കേന്ദ്ര ആഭ്യന്തര മന്ത്രി രാജ്‌നാഥ് സിങ് അറിയിച്ചത്. രാജ്‌നാഥ് സിങ്ങിന്റെ വാദത്തെ തള്ളി പാക് സ്ഥാനപതി അബ്ദുള്‍ ബാസിത് രംഗത്തെത്തി. ദാവൂദ് ഇബ്രാഹിം പാക്കിസ്ഥാനില്‍ ഇല്ല. ഇക്കാര്യത്തില്‍ ഉറപ്പുണ്ടെന്നും അബ്ദുള്‍ ബാസിത് പറഞ്ഞു. \'ദാവൂദ് പാക്കിസ്ഥാനില്‍ ഇല്ലെന്ന് മാത്രമേ എനിക്ക് പറയാന്‍ കഴിയൂ. പാക്കിസ്ഥാന്‍ വളരെ ബുദ്ധിമുട്ടുള്ള കാലത്തിലൂടെയാണ് കടന്നു പോകുന്നത്. ഭീകരവാദത്തെ രാജ്യത്ത് നിന്ന് തുടച്ചു നീക്കാന്‍ തീരുമാനിച്ചിട്ടുണ്ട്.\' ബാസിദ് മാധ്യമങ്ങളോട് പറഞ്ഞു. ദാവൂദിനെ തിരികെ കൊണ്ടുവരാനുള്ള ശ്രമം തുടരുമെന്നും രാജ്‌നാഥ് സിങ് ലോക്‌സഭയെ അറിയിച്ചിരുന്നു. ഇതിനു പിന്നാലെയാണ് പാക്കിസ്ഥാന്‍ വിശദീകരണവുമായി രംഗത്തെത്തിയിരിക്കുന്നത്.
ദാവൂദ് എവിടെയുണ്ടെന്ന് അറിയില്ലെന്ന് ആഭ്യന്തര സഹമന്ത്രി ഹരിഭായ് പറതിഭായ് ചൗധരി ലോക്‌സഭയെ അറിയിച്ചത് ഇതിന് പിന്നാലെ വിവാദമായിരുന്നു. ഇതേത്തുടര്‍ന്നാണ് വിശദീകരണവുമായി ആഭ്യന്തര മന്ത്രി തന്നെ രംഗത്തെത്തിയത്. ദാവൂദിനെ കണ്ടെത്തി കൈമാറണമെന്ന് പാക്കിസ്ഥാനു മേല്‍ ഇന്ത്യ നിരന്തര സമ്മര്‍ദ്ദം ചെലുത്തുമെന്നും രാജ്‌സാഥ് സിങ് കൂട്ടിച്ചേര്‍ത്തു. ദാവൂദിനെ സംബന്ധിച്ച എല്ലാ രേഖകളും ഇന്ത്യ കൈമാറിയിട്ടും പാക്കിസ്ഥാന് അയാളെ കണ്ടെത്താനാകുന്നില്ലെന്നും രാജ്‌നാഥ് സിങ് വ്യക്തമാക്കിയിരുന്നു.

കഴിഞ്ഞയാഴ്ച ആഭ്യന്തര സഹമന്ത്രി ഹരിഭായി ചൗധരി ദാവൂദ് എവിടെയുണ്ടെന്ന് സര്‍ക്കാരിന് അറിയില്ലെന്ന് പാര്‍ലമെന്റില്‍ പറഞ്ഞത് വിവാദമായതിനെത്തുടര്‍ന്നാണ് ആഭ്യന്തര മന്ത്രിയുടെ പുതിയ വിശദീകരണം നല്‍കിയത്. ദാവൂദ് പാക്കിസ്ഥാനില്‍ തന്നെയുണ്ടെന്ന എല്ലാ തെളിവുകളും നല്‍കിയിട്ടും പാക്കിസ്ഥാന്‍ യാതൊരു നടപടിയും സ്വീകരിക്കുന്നില്ലെന്നും രാജ്‌നാഥ് സിങ് ആരോപിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha