രാജ്യത്തെ വിവിധ സംസ്ഥാനങ്ങളിലും നിയന്ത്രണം; ക്രിസ്മസ്, ന്യൂഇയര് ആഘോഷങ്ങളില് കൂടുതല് പേരിലേക്ക് രോഗം പടരാതിരിക്കാൻ നിയന്ത്രണം
ബ്രിട്ടനില് ജനിതകമാറ്റം സംഭവിച്ച കൊറോണ വൈറസ് റിപ്പോർട്ട് ചെയ്തതിനു പിന്നാലെ രാജ്യത്തെ വിവിധ സംസ്ഥാനങ്ങളിലും കടുത്ത നിയന്ത്രണം പ്രഖ്യാപിച്ചു. ക്രിസ്മസ്, ന്യൂഇയര് ആഘോഷങ്ങളില് കൂടുതല് പേരിലേക്ക് രോഗം പടരാതിരിക്കാനാണ് നിയന്ത്രണം ഏർപ്പെടുത്തിയിരിക്കുന്നത്. ആഘോഷങ്ങളില് സാമൂഹിക അകലം പാലിക്കാതെ ജനം കൂടുന്നത് അതിവേഗം കോവിഡ് പടരാന് ഇടയാക്കുന്നതാണ്. മഹാരാഷ്ട്ര, കര്ണാടക, ഗുജറാത്ത്, ഹിാമചല് പ്രദേശ്, പഞ്ചാബ്, മണിപ്പൂര്, രാജസ്ഥാന് തുടങ്ങിയ സംസ്ഥാനങ്ങള് രാത്രികാല കര്ഫ്യൂ ഏർപ്പെടുത്തി. രാത്രികാല കര്ഫ്യൂവിന് പുറമെ മറ്റു നിയന്ത്രണങ്ങളും നിലനില്ക്കുന്നുണ്ട്.
അതോടൊപ്പം തന്നെ കര്ണാടകയില് ജനുവരി ഒന്നുവരെയാണ് രാത്രികാല കര്ഫ്യൂ. ജനുവരി ഒന്നുവരെ രാത്രി 11 മുതല് രാവിലെ അഞ്ചുമണിവരെ കര്ഫ്യൂ നിലനില്ക്കുന്നതാണ്. അത്യാവശ്യഘട്ടത്തിലല്ലാതെ ജനങ്ങളെ പുറത്തിറങ്ങാന് അനുവദിക്കുന്നതല്ല. രാവിലെ ആറുവരെ അത്യാവശ്യങ്ങള്ക്കല്ലാതെ പുറത്തിറങ്ങാന് അനുവദിക്കില്ല. ന്യൂഇയറിന് പടക്കം പൊട്ടിക്കുന്നതിനും സര്ക്കാര് നിയന്ത്രണം ഏര്പ്പെടുത്തി. മാര്ക്കറ്റുകള് രാത്രി ഏഴുമണിവരെയേ ഇവിടെ പ്രവര്ത്തിക്കാന് അനുവദിക്കുകയുള്ളു.
https://www.facebook.com/Malayalivartha
