കര്ഷക സമരത്തിന് പിന്തുണയര്പ്പിച്ച് കോണ്ഗ്രസ് നേതാവ് രാഹുല് ഗാന്ധിയുടെ നേതൃത്വത്തിലുള്ള എംപിമാര് രാഷ്ട്രപതി ഭവനിലേക്ക് നടത്താനിരുന്ന മാര്ച്ചിന് അനുമതി നിഷേധിച്ച് ഡല്ഹി പോലീസ്
കര്ഷക സമരത്തിന് പിന്തുണയര്പ്പിച്ച് കോണ്ഗ്രസ് നേതാവ് രാഹുല് ഗാന്ധിയുടെ നേതൃത്വത്തിലുള്ള എംപിമാര് രാഷ്ട്രപതി ഭവനിലേക്ക് നടത്താനിരുന്ന മാര്ച്ചിന് അനുമതി നിഷേധിച്ച് ഡല്ഹി പോലീസ്. വിജയ് ചൗക്കില് നിന്ന് രാഷ്ട്രപതി ഭവനിലേക്കായിരുന്നു വ്യാഴാഴ്ച രാവിലെ മാര്ച്ച് നടത്താന് തീരുമാനിച്ചിരുന്നത്.അതേസമയം, മൂന്ന് നേതാക്കള്ക്ക് മാത്രം രാഷ്ട്രപതി ഭവനിലേക്ക് പോകാന് അനുമതി നല്കി.
പ്രതിഷേധ സമരം ശക്തമാകാന് സാധ്യതയുണ്ടെന്ന റിപ്പോര്ട്ടിനെ തുടര്ന്ന് കോണ്ഗ്രസ് ആസ്ഥാനത്തിന് സമീപത്ത് 144 പ്രഖ്യാപിക്കുകയും ചെയ്തു. രാജ്യത്തിന്റെ വിവിധ ഭാഗങ്ങളില് നിന്ന് കോണ്ഗ്രസ് നേതാക്കന്മാര് മാര്ച്ചില് പങ്കെടുക്കാനായി ഡല്ഹിയിലെത്തിയിട്ടുണ്ട്. ഇതിനിടെ, കാര്ഷിക നിയമങ്ങള്ക്കെതിരേ അംബാല സിറ്റിയില് സമരം ചെയ്യുന്ന കര്ഷകര്ക്കെതിരേ കൊലക്കുറ്റത്തിനു കേസെടുത്തു.
ഹരിയാന മുഖ്യമന്ത്രി മനോഹര്ലാല് ഖട്ടറുടെ വാഹനം കടന്നുപോയപ്പോള് കരിങ്കൊടികളുമായി കാറിനുനേര്ക്കു പാഞ്ഞടുത്ത ചിലര് പൈലറ്റ് വാഹനങ്ങള്ക്കുമുന്നിലേക്ക് വടികളും മറ്റും വലിച്ചെറിഞ്ഞു. ഇവര്ക്കെതിരേയാണ് കേസെടുത്തത്
"
https://www.facebook.com/Malayalivartha
