കാര്ഷിക നിയമം.... കര്ഷകരുടെ താല്പര്യങ്ങള്ക്ക് എതിരായി മോഡി സര്ക്കാര് ഒന്നും ചെയ്യില്ല; നിയമം ഗുണകരമല്ലെങ്കില് മാറ്റം വരുത്താമെന്ന് പ്രതിരോധ മന്ത്രി
രാജ്യത്ത് കാര്ഷിക സമരം അവസാനിപ്പിക്കാന് നിയമങ്ങള് ഒരു വര്ഷത്തേക്കു നടപ്പാക്കാന് അനുവദിക്കണമെന്ന് പ്രതിരോധ മന്ത്രി രാജ്നാഥ് സിങ്. നിയമം കര്ഷകര്ക്കു ഗുണകരമല്ലെങ്കില് മാറ്റം വരുത്താമെന്നും അദ്ദേഹം പറഞ്ഞു. കര്ഷക നിയമങ്ങള്ക്കെതിരെ നടക്കുന്ന പ്രക്ഷോഭം തണുപ്പിക്കാന് കേന്ദ്രസര്ക്കാര് ഡല്ഹിയില് ആഹ്വാനം ചെയ്ത റാലിയില് സംസാരിക്കുകയായിരുന്നു അദ്ദേഹം.
മുന് പ്രധാനമന്ത്രി എ.ബി.വാജ്പേയിയുടെ ജന്മദിനമായ വെള്ളിയാഴ്ച കര്ഷകരെ അനുനയിപ്പിക്കാന് ബിജെപി രാജ്യവ്യാപകമായി പരിപാടികള് സംഘടിപ്പിച്ചിട്ടുണ്ട്. 'കര്ഷകരുടെ താല്പര്യങ്ങള്ക്ക് എതിരായി മോഡി സര്ക്കാര് ഒന്നും ചെയ്യില്ല. ധര്ണകളില് പങ്കെടുക്കുന്ന എല്ലാ കര്ഷകരും കര്ഷക കുടുംബങ്ങളില് ജനിച്ചവരാണ്. അവരോട് വളരെയധികം ബഹുമാനമുണ്ട്. താങ്ങുവിലയെ കുറിച്ചുള്ള തെറ്റിധാരണകളെല്ലാം അവസാനിക്കും. പ്രധാനമന്ത്രി അത് ഉറപ്പു നല്കി കഴിഞ്ഞു. ഇപ്പോള് ഞാനും പറയുന്നു, താങ്ങുവില ഇല്ലാതാക്കില്ല' രാജ്നാഥ് പറഞ്ഞു.
https://www.facebook.com/Malayalivartha
