കര്ഷകരുടെ ആവിശ്യങ്ങള് കേള്ക്കാനും നിയമങ്ങള് പിന്വലിക്കാനും കേന്ദ്ര സര്ക്കാര് തയ്യാറാകണം:പുതിയ കാര്ഷിക നിയമങ്ങള് എങ്ങനെയാണ് കര്ഷകര്ക്ക് ഗുണകരമാകുന്നതെന്ന് പറയാന് കഴിയുന്ന ഒരു കേന്ദ്ര നേതാവ് പോലുമില്ലെന്ന് കെജ്രിവാള്
പുതിയ കാര്ഷിക നിയമങ്ങള് എങ്ങനെയാണ് കര്ഷകര്ക്ക് ഗുണകരമാകുന്നതെന്ന് പറയാന് കഴിയുന്ന ഒരു കേന്ദ്ര നേതാവിനെ പോലും തനിക്ക് കാണാന് സാധിച്ചിട്ടില്ലെന്ന് ഡല്ഹി മുഖ്യമന്ത്രി അരവിന്ദ് കെജ്രിവാള്. കര്ഷകരുടെ ആവിശ്യങ്ങള് കേള്ക്കാനും നിയമങ്ങള് പിന്വലിക്കാനും കേന്ദ്ര സര്ക്കാര് തയ്യാറാകണമെന്നും കെജ്രിവാള് അഭ്യര്ത്ഥിച്ചു.കേന്ദ്രസര്ക്കാരിന്റെ കാര്ഷിക നിയമങ്ങള്ക്കെതിരെ സമരം നടത്തുന്ന കര്ഷകര്ക്ക് ഐക്യദാര്ഢ്യം പ്രഖ്യാപിച്ച് എത്തിയപ്പോഴാണ് കെജ്രിവാള് ഈക്കാര്യം പറഞ്ഞത് .
പുതിയ കാര്ഷിക നിയമങ്ങളെ കുറിച്ച് വ്യക്തമായി അറിയുന്ന കേന്ദ്രനേതാക്കളോട് കര്ഷകരുമായി സംവാദം നടത്താന് താന് വെല്ലുവിളിക്കുകയാണെന്നും അദ്ദേഹം പറഞ്ഞു. ആര്ക്കാണ് കൂടുതല് അറിയുന്നത് എന്ന് അപ്പോള് മനസിലാക്കാമെന്ന് അദ്ദേഹം വ്യക്തമാക്കി. ഡല്ഹി ഹരിയാന അതിര്ത്തിയായ സിംഘുവിലെ കര്ഷക പ്രക്ഷോഭ വേദിയിലാണ് കെജരിവാള് എത്തിയത്.
കഴിഞ്ഞ 32 ദിവസമായി കര്ഷകര് കടുത്ത ശൈത്യത്തെ അതിജീവിച്ച് തെരുവില് കഴിയുകയാണ്. നാല്പ്പതിന് പുറത്ത് ആളുകള് മരിച്ചു.
https://www.facebook.com/Malayalivartha
