തമിഴ്നാട്ടിലെ ജനങ്ങള് ഒരുതരത്തിലും ബിജെപിയെ ആഗ്രഹിക്കുന്നില്ലെന്ന് കമല്ഹാസന്
തമിഴ്നാട്ടിലെ ജനങ്ങളുടെ മനസില് ബിജെപി അപ്രസക്തരാണെന്ന് നടനും മക്കള് നീതി മയ്യം പാര്ട്ടി സ്ഥാപകനുമായ കമല്ഹാസന്. 'തമിഴ്നാട്ടിലെ ജനങ്ങള് ഒരുതരത്തിലും ബിജെപിയെ ആഗ്രഹിക്കുന്നില്ല. അവരുടെ മനസില് ബിജെപി അപ്രസക്തരാണ്,' കമല് പറഞ്ഞു.
തിരഞ്ഞെടുപ്പില് രജനികാന്തിന്റെ പിന്തുണ തേടുമെന്നും കമല്ഹാസന് വ്യക്തമാക്കി. ആരോഗ്യകാരണങ്ങളാല് രാഷ്ട്രീയത്തിലേക്ക് ഇല്ലെന്ന രജനികാന്തിന്റെ തീരുമാനം കമല്ഹാസന് സ്വാഗതം ചെയ്തു. തിരഞ്ഞെടുപ്പ് പ്രചരണങ്ങള്ക്ക് ശേഷം ചെന്നൈയില് തിരിച്ചെത്തിയാല് രജനികാന്തിനെ നേരിട്ടു കാണുമെന്നും കമല്ഹാസന് പറഞ്ഞു.
താന് ആത്മീയതയ്ക്ക് എതിരല്ലെന്ന് കമല്ഹാസന് പറഞ്ഞു. ആത്മീയതയോടും ദൈവവിശ്വാസങ്ങളോടും എതിര്പ്പൊന്നുമില്ല. എന്നാല്, തനിക്കതിലൊന്നും വിശ്വാസമില്ലെന്ന് കമല്ഹാസന് വ്യക്തമാക്കി. 'എന്നില് ആത്മീയത അടിച്ചേല്പ്പിക്കാന് ആര്ക്കും സാധിക്കില്ല. മറ്റൊരാളില് യുക്തിവാദം അടിച്ചേല്പ്പിക്കാന് എനിക്കും,' കമല്ഹാസന് പറഞ്ഞു.
https://www.facebook.com/Malayalivartha
