റോഡരുകില് ഉറങ്ങിക്കിടന്ന അമ്മയുടേയും കുഞ്ഞിന്റെയും ശരീരത്തിലൂടെ കാര് കയറിയിറങ്ങി
റോഡരികില് ഉറങ്ങിക്കിടന്ന അമ്മയുടേയും കുഞ്ഞിന്റേയും ശരീരത്തിലൂടെ കാര് കയറിയിറങ്ങി. ഇരുവരും തല്ക്ഷണം മരിച്ചു. സംഭവത്തില് നാല് പേര്ക്ക് പരിക്കേറ്റു. ഗുഞ്ജന് ചുനാര(30), കിഷന്(2) എന്നിവരാണ് മരിച്ചത്. ശിവരഞ്ജിനിയിലുള്ള ബസ് റാപ്പിഡ് ട്രാന്സിറ്റ് സിസ്റ്റ(ബി.ആര്.ടി.എസ്)ത്തിന്റെ ഇടനാഴിയില് ബുധനാഴ്ച രാത്രിയാണ് സംഭവം. പരിക്കേറ്റവരെ അടുത്തുള്ള ഗവണ്മെന്റ് ആശുപത്രിയിലേക്ക് മാറ്റി.
സംഭവവുമായി ബന്ധപ്പെട്ട് കാര് െ്രെഡവര് കമലേഷ് തിര്ഗാഡിനെ പൊലീസ് അറസ്റ്റ് ചെയ്തു. ഇയാള് സഞ്ചരിച്ചിരുന്ന സ്ഫിഫ്റ്റ് ഡിസയര് കാറും കസ്റ്റഡിയിലെടുത്തു. ശിവരഞ്ജിനിയില് നിന്നും ശ്യാമള് റോഡിലേക്ക് പോവുകയായിരുന്ന തിര്ഗാഡ്, മെയിന് റോഡില് പണി നടക്കുന്നതിനാലാണ് ബി.ആര്.ടി.എസ് വഴി യാത്ര ചെയ്യാമെന്ന് തീരുമാനിച്ചത്. അങ്ങനെ ഈ വഴി എത്തിയ തിര്ഗാഡിന്റെ കാര് ഉറങ്ങിക്കിടന്നവരുടെ ശരീരത്തിലൂടെ കയറി ഇറങ്ങുകയായിരുന്നു. രാത്രിയില് ബസ് വരില്ലെന്ന് കരുതി ബി.ആര്.ടി.എസ് ഇടനാഴിയില് കിടന്നവരാണ് അപകടത്തില്പ്പെട്ടത്.
മൃതദേഹം പോസ്റ്റ് മോര്ട്ടത്തിനായി അയച്ചെന്നും കൂടുതല് അന്വേഷണം നടന്നുകൊണ്ടിരിക്കുകയാണെന്നും സാറ്റലൈറ്റ് പൊലീസ് സ്റ്റേഷന് ഓഫീസര് യാക്കൂബ് ഖാന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
