തമിഴ്നാട്ടില്‍ നിന്ന് ചായപ്പൊടിയുമായി കൊച്ചിയിലേക്ക് പുറപ്പെട്ട ചരക്കു ലോറി 40 അടി താഴ്ചയിലേക്ക് മറിഞ്ഞു. നാടുകാണി ചുരത്തില്‍ വച്ചാണ് ലോറി അപകടത്തില്‍പ്പെട്ടത്.

ഇന്നലെ രാത്രി പതിനൊന്നരയോടെയാണ് സംഭവം നടന്നത്. ലോറിയുടെ ഡ്രൈവറെ ഇതുവരെ കണ്ടെത്താനായിട്ടില്ല. ഡ്രൈവര്‍ ലോറിയുടെ അടിയില്‍ കുടുങ്ങിയിട്ടുണ്ടോ എന്ന് പരിശോധിക്കുന്നുണ്ട്. ഇയാള്‍ സംഭവസ്ഥലത്ത് നിന്നും രക്ഷപെട്ടതാണോയെന്നും സംശയമുണ്ട്.

കേരള അതിര്‍ത്തിയില്‍ എത്തുന്നതിന് തൊട്ടമുമ്പ് ദേവാല പൊലീസ് സ്റ്റേഷന്‍ പരിധിയിലാണ് സംഭവമുണ്ടായത്. ദേവാല ചായ ഫാക്ടറിയില്‍ നിന്നുളള ലോഡാണ് അപകടത്തില്‍പ്പെട്ടത്.