കര്‍ണാടക മുഖ്യമന്ത്രി ബിഎസ് യെദിയൂരപ്പക്ക്​ വീണ്ടും കോവിഡ് സ്ഥിരീകരിച്ചു. ട്വിറ്റര്‍ പോസ്റ്റിലൂടെയാണ്​ അദ്ദേഹം കോവിഡ്​ ബാധിച്ച വിവരം പുറത്തുവിട്ടത്​. അദ്ദേത്തെ ആശുപത്രിയില്‍ പ്രവേശിപ്പിച്ചതായി ഔദ്യോഗിക വൃത്തങ്ങള്‍ സ്ഥിരീകരിച്ചു. കഴിഞ്ഞ വര്‍ഷം ആഗസ്റ്റില്‍ യെദിയൂരപ്പക്ക്​ കോവിഡ് ബാധിച്ചിരുന്നു.

ബെംഗളൂരു മണിപ്പാല്‍ ആശുപത്രിയിലാണ് 78കാരനായ യെദിയൂരപ്പയെ പ്രവേശിപ്പിച്ചിരിക്കുന്നത്. രാവിലെ സംസ്ഥാനത്തെ കോവിഡ് സ്ഥിതിഗതികള്‍ അവലോകനം ചെയ്യുന്നതിനായി മുഖ്യമന്ത്രിയ യോഗം വിളിച്ചിരുന്നു.