ഡോക്ടറുടെ തലയില്‍ ഡ്യൂട്ടിക്കിടെ ഫാന്‍ വീണ് പരിക്കേറ്റ സംഭവത്തെ തുടര്‍ന്ന് ആശുപത്രിയില്‍ ഹെല്‍മെറ്റ് ധരിച്ച് പ്രതിഷേധം. ഡ്യൂട്ടിക്കിടെ ഹെല്‍മെറ്റ് ധരിച്ച് ജൂനിയര്‍ ഡോക്ടര്‍മാരാണ് പ്രതിഷേധം രേഖപ്പെടുത്തിയത്.


ഹൈദ്രാബാദിലെ ഒസ്മാനിയ ജനറല്‍ ആശുപത്രിയിലാണ് സംഭവമുണ്ടായത്. ആശുപത്രിയിലെ സീലിങ് ഫാന്‍ വീണ് ത്വക്ക് വിഭാഗത്തിലെ വനിതാ ഡ്യൂട്ടി ഡോക്ടര്‍ക്ക് തലയ്ക്ക് പരിക്കേറ്റിരുന്നു.

ഇത്തരം അപകടം ആവര്‍ത്തിക്കാതിരിക്കാന്‍ നടപടി വേണമെന്ന് ആശുപത്രി സൂപ്രണ്ടിനോട് ഡോക്ടര്‍മാരുടെ സംഘം ആവശ്യപ്പെട്ടു.

ജീവന്‍ അപകടത്തിലാക്കി പ്രവര്‍ത്തിക്കുന്നത് രോഗികളുടെ പരിചരണത്തിനും ചുമതലകള്‍ നിര്‍വഹിക്കുന്നതിനും വേണ്ടിയാണ്. ജോലി ചെയ്യുന്നതില്‍ തടസമാകുമെന്നതിനാല്‍ ഇക്കാര്യം പരിശോധിക്കണമെന്നാണ് ഡോക്ടര്‍മാരുടെ അഭ്യര്‍ത്ഥന.