ഡല്ഹി മുഖ്യമന്ത്രി അരവിന്ദ് കേജരിവാളിന് കോവിഡ്.... വീട്ടില് തന്നെ നിരീക്ഷണത്തില് കഴിയുകയാണെന്നും കഴിഞ്ഞ ദിവസങ്ങളില് താനുമായി സമ്പര്ക്കത്തില്വന്നവര് പരിശോധന നടത്തണമെന്നും സ്വയം നിരീക്ഷണത്തില് പോകണമെന്നും നിര്ദ്ദേശം
ഡല്ഹി മുഖ്യമന്ത്രി അരവിന്ദ് കേജരിവാളിന് കോവിഡ്. ട്വിറ്ററിലൂടെ അദ്ദേഹം തന്നെയാണ് ഇക്കാര്യം അറിയിച്ചത്. വീട്ടില് തന്നെ നിരീക്ഷണത്തില് കഴിയുകയാണെന്നും കഴിഞ്ഞ ദിവസങ്ങളില് താനുമായി സമ്പര്ക്കത്തില്വന്നവര് പരിശോധന നടത്തണമെന്നും സ്വയം നിരീക്ഷണത്തില് പോകണമെന്നും അദ്ദേഹം നിര്ദേശിച്ചു.
അതേസമയം ഡല്ഹിയില് പ്രതിദിന കോവിഡ് കേസുകളുടെ എണ്ണം 4,000 കടന്നു. 4,099 പേര്ക്കാണു പുതിയതായി കോവിഡ് സ്ഥിരീകരിച്ചത്. മേയ്ക്കു ശേഷം ഇതാദ്യമായാണു കോവിഡ് സ്ഥിരീകരിച്ചവരുടെ എണ്ണം 4,000 കടക്കുന്നത്.
കഴിഞ്ഞ മൂന്നു ദിവസത്തിനുള്ളില് പതിനായിരത്തോളം കേസുകളാണ് രാജ്യ തലസ്ഥാനത്ത് റിപ്പോര്ട്ട് ചെയ്തത്. നിലവില് 10,986 പേരാണ് രോഗം ബാധിച്ചു ചികിത്സയിലുള്ളത്. 6.46 ശതമാനമാണ് പോസിറ്റിവിറ്റി നിരക്ക്.
രണ്ടു ദിവസങ്ങളായി ലഭിച്ച സാംപിള് പരിശോധനാ ഫലങ്ങളില് 84 ശതമാനവും ഒമിക്രോണ് വകഭേദമാണ് റിപ്പോര്ട്ട് ചെയ്തതെന്ന് ആരോഗ്യമന്ത്രി സത്യേന്ദ്ര ജെയ്ന് അറിയിച്ചു. 187 സാംപിളുകള് പരിശോധിച്ചതില് 152 ഉം ഒമിക്രോണാണെന്ന് ആരോഗ്യമന്ത്രി .
https://www.facebook.com/Malayalivartha