രാജ്യം കടുത്ത നിയന്ത്രണങ്ങളിലേക്ക്, കൊവിഡ് മൂന്നാം തരംഗം ആരംഭിച്ചെന്ന് വെളിപ്പെടുത്തൽ, മെട്രോ നഗരങ്ങളിലെ 75% കേസുകളും ഒമിക്രോൺ, ഇൻട്രാനേസൽ വാക്സീൻ ബൂസ്റ്റർ ഡോസിനായി പരിഗണിക്കണമെന്ന അപേക്ഷയിൽ തീരുമാനം ഉടൻ
രാജ്യം കൊവിഡിന്റെ ഒന്നാം തരംഗവും രണ്ടാം തരംഗവും എല്ലാം താണ്ടി മൂന്നാം തരംഗത്തിലേക്ക് കടന്നെന്ന് വെളിപ്പെടുത്തൽ. കൊവിഡ് മൂന്നാം തരംഗം തുടങ്ങിയെന്ന് കൊവിഡ് ടാസ്ക് ഫോഴ്സ് തലവൻ എൻ എൻ അറോറയാണ് വെളിപ്പെടുത്തിയത്. മെട്രോ നഗരങ്ങളിലെ 75% കേസുകളും ഒമിക്രോണാണെന്നും അദ്ദേഹം വ്യക്തമാക്കി.
കോവിഡ് വാക്സീന്റെ സംഭരണ കാലാവധി 12 മാസം വരെയാണെന്നും, 15–18 പ്രായക്കാർക്ക് നൽകുന്ന ഡോസ് സുരക്ഷിതമല്ലെന്ന ആശങ്ക അനാവശ്യമാണെന്നും അറോറ വ്യക്തമാക്കി. രാജ്യത്ത് ഒമിക്രോണ് ബാധിതരുടെ എണ്ണം 2000 ത്തിലേക്ക് അടുക്കുകയാണ്. ഡൽഹിയിലെ സാഹചര്യം വിലയിരുത്താൻ ലഫ്റ്റണന്റ് ഗവർണർ അനിൽ ബെയ്ജാലിന്റെ അധ്യക്ഷതയിൽ ഇന്ന് ദുരന്ത നിവാരണ അതോറിറ്റി യോഗം ചേരും.
കൊവിഡ് വ്യാപിക്കുന്ന പശ്ചാത്തലത്തിൽ കൂടുതല് സംസ്ഥാനങ്ങള് നിയന്ത്രണങ്ങൾ കടുപ്പിക്കാൻ തീരുമാനിച്ചു. കേന്ദ്ര സർക്കാർ ഓഫീസുകളിൽ ഇനി മുതൽ പകുതി ജീവനക്കാർ മാത്രമായി ആയിരിക്കും പ്രവർത്തിക്കുക. ഭാരത് ബയോടെക്കിന്റെ ഇൻട്രാനേസൽ വാക്സീൻ ബൂസ്റ്റർ ഡോസിനായി പരിഗണിക്കണമെന്ന അപേക്ഷ ഇന്ന് ഡിസിജിഐ വിദഗ്ധ സമിതി പരിശോധിക്കും.
കോവാക്സിനോ കോവിഷീൽഡോ സ്വീകരിച്ചവർക്ക് മൂന്നാം ഡോസായി ഈ വാക്സിൻ നൽകണമെന്നാണ് കമ്പനിയുടെ അപേക്ഷ. അതേസമയം, ഇതുവരെ 1,700 ഒമിക്രോൺ കേസുകളാണു രാജ്യത്തു റിപ്പോർട്ട് ചെയ്തിട്ടുള്ളത്. 510 കേസുകളുള്ള മഹാരാഷ്ട്രയാണ് ഒന്നാമത്. പുതിയതായി സ്ഥിരീകരിക്കുന്ന കോവിഡ് കേസുകളിൽ 22 ശതമാനം വർധനയുണ്ടെന്നും സർക്കാർ ഡേറ്റ പറയുന്നു.
അതേസമയം, സംസ്ഥാനത്ത് ഇന്നലെ 29 പേര്ക്ക് കൂടി ഒമിക്രോണ് സ്ഥിരീകരിച്ചത്. തിരുവനന്തപുരം 10, ആലപ്പുഴ 7, തൃശൂര് 6, മലപ്പുറം 6 എന്നിങ്ങനെയാണ് ഒമിക്രോണ് സ്ഥിരീകരിച്ചത്. ഇതില് 25 പേര് ലോ റിസ്ക് രാജ്യങ്ങളില് നിന്നും 2 പേര് ഹൈ റിസ്ക് രാജ്യങ്ങളില് നിന്നും വന്നതാണ്. 2 പേര്ക്കാണ് സമ്പര്ക്കത്തിലൂടെ ഒമിക്രോണ് ബാധിച്ചത്. ആലപ്പുഴയിലെ 2 പേര്ക്കാണ് സമ്പര്ക്കത്തിലൂടെ ഒമിക്രോണ് ബാധിച്ചത്.
തിരുവനന്തപുരത്ത് 9 പേര് യുഎഇയില് നിന്നും, ഒരാള് ഖത്തറില് നിന്നും വന്നതാണ്. ആലപ്പുഴയില് 3 പേര് യുഎഇയില് നിന്നും 2 പേര് യുകെയില് നിന്നും, തൃശൂരില് 3 പേര് കാനഡയില് നിന്നും, 2 പേര് യഎഇയില് നിന്നും, ഒരാള് ഈസ്റ്റ് ആഫ്രിക്കയില് നിന്നും, മലപ്പുറത്ത് 6 പേര് യുഎഇയില് നിന്നും വന്നതാണ്.
ഇതോടെ സംസ്ഥാനത്ത് ആകെ 181 പേര്ക്കാണ് ഒമിക്രോണ് സ്ഥിരീകരിച്ചത്. ഹൈ റിസ്ക് രാജ്യങ്ങളില് നിന്നും ആകെ 52 പേരും ലോ റിസ്ക് രാജ്യങ്ങളില് നിന്നും 109 പേരും എത്തിയിട്ടുണ്ട്. 20 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. ഒമിക്രോണ് ബാധിച്ച് ചികിത്സയിലായിരുന്ന 42 പേരെ ഇതുവരെ ഡിസ്ചാര്ജ് ചെയ്തു. എറണാകുളം 16, തിരുവനന്തപുരം 15, തൃശൂര് 4, ആലപ്പുഴ 3, പത്തനംതിട്ട, കോട്ടയം, മലപ്പുറം, കണ്ണൂര് ഒരാള് വീതം എന്നിങ്ങനെയാണ് ഡിസ്ചാര്ജ് ചെയ്തത്. ഇതോടെ 139 പേരാണ് ചികിത്സയിലുള്ളത്.
https://www.facebook.com/Malayalivartha