നിയമസഭ തിരഞ്ഞെടുപ്പിൽ ബിജെപി തൂത്ത് വാരും എന്നുള്ളത് ഉറപ്പാണ്. തെരെഞ്ഞെടുപ്പ് മുന്നിൽ കണ്ടുള്ള രാഹുൽ ഗാന്ധിയുടെ അടവും , യാത്രയും ഫലം കാണില്ല. മാത്രമല്ല അടുത്ത വർഷം ആദ്യം നിയമസഭ തിരഞ്ഞെടുപ്പ് നടക്കാന്‍ പോകുന്ന സംസ്ഥാനങ്ങളില്‍ ഏറ്റവും പ്രബലമായ സംസ്ഥാനമാണ് കർണാടക.

നിലവിൽ അധികാരത്തില്‍ തിരിച്ച് വരാന്‍ കോണ്‍ഗ്രസ് ശ്രമിക്കുമ്പോള്‍ ഏത് വിധേനയും അധികാരം നിലനിർത്താനുള്ള തന്ത്രമാണ് ബി ജെ പിമെനയുന്നത്. അതുപോലെ തന്നെ 2018 ലേത് പോലെ നിർണ്ണായക ശക്തിയാവാന്‍ ജെ ഡി എസും രംഗത്തുണ്ട്.

ഇതോടൊപ്പം തിരഞ്ഞെടുപ്പ് മുന്നില്‍ കണ്ടുകൊണ്ട് നേരത്തെ തന്നെ തീവ്രഹിന്ദുത്വ രീതിയിലുള്ള പ്രചരണങ്ങളിലേക്ക് ബി ജെ പി കടന്നിരുന്നു. തുടർന്ന് ഹിജാബ് നിരോധനം, മതപരിവർത്തന നിരോധിത നിയമം തുടങ്ങിയവയെല്ലാം ഇതിന്റെ ഭാഗമായിരുന്നു. എന്നാൽ ഇതിന് പിന്നാലെയാണ് പോപ്പുലർ ഫ്രണ്ട് ഓഫ് ഇന്ത്യയുടെ നിരോധനവും വരുന്നത്.