ഇരട്ടയല്ല ഒറ്റയാന്.. ഇരട്ട പൗരത്വം രാഹുലിനെ പെടുത്തില്ല പക്ഷേ പറഞ്ഞ കമ്പനിയുടെ ഇടപാടുകള് പലതും ദൂരൂഹം
സുബ്രമഹ്ണ്യം സ്വാമിയുടെ രാഹുലിന്റെ ഇരട്ട പൗരത്വം സംബന്ധിച്ച ആരോപണത്തെ കോണ്ഗ്രസ് തള്ളി. എങ്കിലും സംഭവം കൊണ്ടുവന്നത് സ്വാമിയായതുകൊണ്ട് അതില് എന്തെങ്കിലും കാണാതിരിക്കില്ല എന്ന നിലപാടില് പ്രമുഖര്. എങ്കിലും ഇംഗ്ലണ്ടിലെ പൗരത്വം ലഭിക്കണമെങ്കില് അവിടത്തെ താമസക്കാരനായിരിക്കണം എന്ന കാര്യം കര്ശനമാണ്.
സുബ്രമഹ്ണ്യം സ്വാമിയുടെ ആക്ഷേപത്തിന് മറുപടി പറഞ്ഞ കോണ്ഗ്രസ് ബ്രിട്ടനില് രാഹുല് കമ്പനി തുടങ്ങി എന്ന് നിഷേധിക്കുന്നില്ല എന്നതാണ് പ്രധാന കാരണം. താരതമെന്യേ കുറഞ്ഞ മൂലധനത്തില് തുടങ്ങിയ കമ്പനി കള്ളപ്പണം വെളുപ്പിക്കുന്നതിന്റെ ഭാഗം ആയിട്ടാണെന്ന് സംശയം ഉയരുന്നുണ്ടെങ്കിലും ഇതേ കുറിച്ച് ഒരു രാഷ്ട്രീയ നേതാവ് പോലും സംശയം പ്രകടിപ്പിക്കുന്നില്ല എന്നതും കൂടുതല് ദുരൂഹത ഉയര്ത്തുന്നു. അമേരിക്കക്കാരനായ ഉള്രിക് റോബര്ട്ട് മക്നൈറ്റ് എന്നയാളുമായി ചേര്ന്നാണ് രാഹുല് ഗാന്ധി ബാക്ക് ഓപ് എന്ന കമ്പനി ആരംഭിക്കുന്നത്. മാദ്ധ്യമ പ്രവര്ത്തകനും ന്യുയോര്ക്ക് ടൈംസ് കോളമിസ്റ്റുമായ സോണിയ ഫെലൈയ്രോയുടെ ഭര്ത്താവാണ് ഇദ്ദേഹം. നിലവില് പ്രവര്ത്തിച്ചിരുന്ന കമ്പനിയില് മൂലധനം ഇറക്കി രാഹുല് ഡയറക്ടര് ആകുക ആയിരുന്നു. രഹുലിനൊപ്പം ഉള്രിക് മാത്രമേ ഡയറക്ടര് ബോര്ഡില് ഉണ്ടായിരുന്നുള്ളൂ. ലണ്ടനിലെ വിന്റ്ചെസ്്റ്റര് കേന്ദ്രമാക്കിയാണ് രാഹുല് ഗാന്ധി കമ്പനി ആരംഭിച്ചത്.
ഇന്ത്യയില് നേതാവായി പ്രവര്ത്തിക്കുന്ന രാഹുല് ഗാന്ധി ഇംഗ്ലണ്ടിലെ കമ്പനികളില് ഉടമസ്ഥാവകാശം എടുത്ത് എന്ന ചോദ്യത്തിന് രാഹുല് ഉത്തരം പറയേണ്ടിവരും. കമ്പനിയുടെ പ്രവര്ത്തന പാരമ്പര്യം അത്രമേല് വലുതൊന്നുമല്ലെങ്കിലും ഒരു ഒരു അമേരിക്കക്കാരനുമായി ചേര്ന്ന് രാഹുല് കമ്പനി തുടങ്ങിയതിന് വരുന്ന ദിവസങ്ങളില് അദ്ദേഹത്തെ കുഴക്കും
കമ്പനിയുടെ പ്രവര്ത്തന റിപ്പോര്ട്ട് അനുസരിച്ച് 2004 ലില് 6000 പൗണ്ട് ലാഭവും 2005 ലില് 8000 പൗണ്ടും ലാഭം ഉണ്ടാക്കിയ ശേഷം 2006 ലില് നയാപൈസയുടെ ലാഭം ഇല്ലാതെ നഷ്ട്ടം കാണിച്ചു കമ്പനി പൂട്ടുക ആയിരുന്നു. രണ്ടു വര്ഷം മികച്ച രീതിയില് പ്രവര്ത്തിച്ച കമ്പനി മൂന്നാം വര്ഷം ഒറ്റ പണവും ലാഭം ഉണ്ടാക്കാതെ തലകുത്തി വീണത് ദുരൂഹമാണ്. സാധാരണ പ്രവര്ത്തന ലാഭം കുറഞ്ഞു വന്നു കമ്പനികള് പൂട്ടുന്നത് ബിസിനസ്സില് പ്രതീക്ഷിതം ആണെങ്കിലും രാഹുലിന്റെ കമ്പനിക്ക് സംഭവിച്ചത് പോലെ ഒരു സുപ്രഭാതത്തില് ആയിരക്കണക്കിന് പൗണ്ടിന്റെ നഷ്ട്ടം വരുത്തി കമ്പനികള് പൂട്ടുന്നത് സ്വാഭവികം ആല്ല.
എന്നാല് വിദേശ പൗരന്മാര്ക്ക് ബ്രിട്ടനില് കമ്പനി തുടങ്ങാന് അനുവാദം ലഭിക്കുമെങ്കിലും രാഹുലിന്റെ പൗരത്വം സംബന്ധിച്ച് കമ്പനി ആരംഭിക്കുന്ന സമയത്തുണ്ടായ ക്ലറിക്കള് അബദ്ധം ആണെന്ന് ചൂണ്ടിക്കാട്ടപ്പെടുന്നു. യുകെയില് കമ്പനി തുടങ്ങാന് പൗരത്വം ആവശ്യമില്ലാത്തതും ഈ വാദത്തിന് ഉറപ്പ് നല്കുന്നു. മറ്റൊരു പാസ്പോര്ട്ട് സ്വീകരിച്ചാല് ഉടന് ഇന്ത്യന് പൗരത്വം സറണ്ടര് ചെയ്യണമെന്ന് നിയമം ഉണ്ട്. വേറൊരു പാസ്പോര്ട്ട് എടുത്തയാള് ഇന്ത്യന് പാസ്പോര്ട്ട് ഉപയോഗിച്ച് യാത്ര ചെയ്യുന്നത് ശിക്ഷാര്ഹമാണ്. ഇതൊക്കെ ആറിയാമായിരിക്കവെ ഇന്ത്യന് പ്രധാനമന്ത്രിയാകാന് രംഗത്തിറങ്ങിയ രാഹുല് രണ്ട് പൗരത്വം കാത്ത് സൂക്ഷിച്ചു എന്ന് വിശ്വസിക്കാന് പ്രയാസമാണെന്ന് വിദഗ്ദര് പറയുന്നു
രാഹുലിന്റെ വിഷയത്തിന്മേലുളള പ്രതികരണം ഇതുവരെ എത്തിയിട്ടല്ല. എങ്കിലും അദ്ദേഹം വിയര്ക്കും എന്ന കാര്യത്തില് തര്ക്കമില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
