കേന്ദ്ര ജീവനക്കാര്‍ക്കും പെന്‍ഷന്‍കാര്‍ക്കും 15 ശതമാനം ശമ്പളവര്‍ദ്ധന ശുപാര്‍ശ ചെയ്യുന്ന ഏഴാമത് ശമ്പളക്കമ്മീഷന്‍ റിപ്പോര്‍ട്ട് വ്യാഴാഴ്ച ധനമന്ത്രിയ്ക്ക് സമര്‍പ്പിക്കും. 2014-ല്‍ യു.പി.എ സര്‍ക്കാര്‍ നിയോഗിച്ച കമ്മീഷനാണ് 48 ലക്ഷം ജീവനക്കാര്‍ക്കും 55 ലക്ഷം പെന്‍ഷന്‍കാര്‍ക്കുമുള്ള ശമ്പളം പുന:പരിശോധിയ്ക്കാന്‍ റിപ്പോര്‍ട്ട് പൂര്‍ത്തിയാക്കിയത്. ജസ്റ്റിസ് എ.കെ മതൂറാണ് കമ്മീഷന്‍ ചെയര്‍മാന്‍.

ആഗസ്ത് വരെയുണ്ടായിരുന്ന കമ്മീഷന്റെ കാലാവധി ഡിസംബറാക്കി നല്‍കിയിരുന്നു. ശമ്പളം പുന:പരിശോധിയ്ക്കാന്‍ ഓരോ 10 കൊല്ലവും നിയോഗിക്കുന്ന കമ്മീഷന്റെ ശുപാര്‍ശകള്‍ മാറ്റങ്ങളോടെ സംസ്ഥാനങ്ങളും നടപ്പിലാക്കാറുണ്ടെന്നതിനാല്‍ ശുപാര്‍ശയില്‍ സംസ്ഥാന ജീവനക്കാര്‍ക്കും പ്രയോജനം ലഭിയ്ക്കും. വിവിധ സ്ഥാപനങ്ങളുമായും ഫെഡറേഷനുകളുമായും സംഘടനകളുമായും കൂടിക്കാഴ്ച നടത്തിയ ശേഷമാണ് റിപ്പോര്‍ട്ട് തയ്യാറാക്കുന്നത്.

2016 ജനുവരി ഒന്നിന് പ്രാബല്യത്തില്‍ വരത്തക്കവിധമാണ് നിര്‍ദ്ദേശങ്ങള്‍ സമര്‍പ്പിച്ചത്. ചെയര്‍മാനെ കൂടാതെ റിട്ട. ഐ.എ.എസ് ഉദ്യോഗസ്ഥന്‍ വിവേക് റേ,സാമ്പത്തിക ശാസ്ത്രജ്ഞന്‍ രതിന്‍ റേ എന്നിവരാണ് കമ്മീഷനിലുള്ളത്. മീന അഗര്‍വാളാണ് സെക്രട്ടറി. ആറാമത് ശമ്പളക്കമ്മീഷന്‍ ശുപാര്‍ശകള്‍ 2006 ജനുവരി ഒന്നിനാണ് നടപ്പിലായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha