ഡല്‍ഹിയിലെ ഒറ്റ ഇരട്ട അക്ക വാഹന നിയന്ത്രണത്തിെത്തിനെതിരായ ഹര്‍ജികളില്‍ ഡല്‍ഹി ഹൈക്കോടതി ഇന്ന് വിധിപറയും. നിയന്ത്രണത്തിലെ പ്രയോഗിക ബുദ്ധിമുട്ടുകള്‍ ചൂണ്ടിക്കാട്ടിയാണ് ഹൈക്കോടതിയില്‍ വിവിധ ഹര്‍ജികള്‍ നല്‍കിയിരിക്കുന്നത്. ഗതാഗത നിയന്ത്രണം പരീക്ഷണാടിസ്ഥാനത്തില്‍ നടപ്പാക്കി പത്തുദിവസം പിന്നിടുമ്പോള്‍ ഡല്‍ഹിയുടെ വായു മലീകരണതോതില്‍ കുറവുണ്ടായിട്ടുണ്ടെന്നാണ് സംസ്ഥാനസര്‍ക്കാരിന്റെ അവകാശവാദം. 

ഡല്‍ഹിയിലെ അന്തരീക്ഷമലിനീകരണം അപകടകരമാം വിധം ഉയര്‍ന്നതിനെ തുടര്‍ന്നാണ് സര്‍ക്കാര്‍ വാഹന നിയന്ത്രണം കൊണ്ടുവന്നത്. ഒറ്റ അക്ക ദിവസങ്ങളില്‍ ഒറ്റ അക്ക നമ്പര്‍ വാഹനങ്ങളും ഇരട്ട അക്ക ദിവസങ്ങളില്‍ ഇരട്ട അക്ക വാഹനങ്ങളും മാത്രമാണ് നിരത്തിലിറങ്ങുന്നത്. നേരത്തെ നിശ്ചയിച്ച പതിനഞ്ചാം തിയതിക്ക് മുന്‍പ് നിയന്ത്രണം നിര്‍ത്താനോ ദീര്‍ഘിപ്പിക്കാനോ ഇതുവരെ ആലോചിച്ചിട്ടില്ലെന്ന് ഡല്‍ഹി ഗതാഗത മന്ത്രി ഗോപാല്‍ റായ് അറിയിച്ചു. എന്നാല്‍ വാഹനനിയന്ത്രണം നിയമവിരുദ്ധമാണെന്നും പ്രായോഗിക ബുദ്ധിമുട്ടുകളുണ്ടെന്നും ചൂണ്ടിക്കാട്ടിയാണ് വിവിധ ഹര്‍ജികള്‍ ഹൈക്കോടതിയില്‍ നല്‍കിയിരിക്കുന്നത്. 

ഇതിലാണ് ഡല്‍ഹി ഹൈക്കോടതിയുടെ ഡിവിഷന്‍ ബഞ്ച് ഇന്ന് വിധിപറയുന്നത്. അതേസമയം വാഹനനിയന്ത്രണം നടപ്പിലാക്കി പത്ത് ദിവസത്തിന് ശേഷം ഡല്‍ഹിയിലെ അന്തരീക്ഷ മലിനീകരണത്തില്‍ കാര്യമായ കുറവ് വന്നിട്ടുണ്ടെന്നാണ് സര്‍ക്കാരിന്റെ അവകാശവാദം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha