ജീന്സ് ധരിച്ച് ക്ഷേത്രത്തില് കയറുന്നതു വിലക്കിയ ഉത്തരവ് മരവിപ്പിച്ചു
ജീന്സ്, സ്കര്ട്ട്, ഷോര്ട്സ് തുടങ്ങിയവ ധരിച്ച് ക്ഷേത്രത്തില് പ്രവേശിക്കുന്നതു വിലക്കിയ ഉത്തരവ് മദ്രാസ് ഹൈക്കോടതി ഈ മാസം 18 വരെ മരവിപ്പിച്ചു. ഹൈക്കോടതിയുടെ മദ്രാസ് ബെഞ്ചാണ് വസ്ത്രധാരണ രീതി ജനുവരി ഒന്നു മുതല് നിലവില് കൊണ്ടുവന്നത്. ലോ വെയ്സ്റ്റ് ജീന്സും സ്ലീവ് ലെസ് ടോപ്പുമിട്ട് ആരും ക്ഷേത്രത്തില് വരേണ്ടെന്നായിരുന്നു വിധി. ക്ഷേത്ര ദര്ശനത്തിനെത്തുന്ന ഭക്തര് ആത്മീയാന്തരീക്ഷം നിലനിര്ത്തുന്ന തരത്തില് വസ്ത്രധാരണം നടത്തണമെന്നും കോടതി നിര്ദേശിച്ചു. ഈ നിര്ദേശത്തെ തമിഴ്നാട് സര്ക്കാരും എതിര്ത്തിരുന്നു.
സിംഗിള് ബെഞ്ച് വിധി ഡിവിഷന് ബെഞ്ചാണ് താല്ക്കാലികമായി മരവിപ്പിച്ചത്. തിരുച്ചിറപ്പള്ളി ജില്ലയിലെ അക്കിയാംപട്ടി ഗ്രാമത്തിലെ വിനാക ക്ഷേത്രത്തില് കലാപരിപാടികള് നടത്താന് അനുമതി തേടി സമര്പ്പിച്ച ഹര്ജിയിലായിരുന്നു മധുര ബെഞ്ചിലെ ജസ്റ്റിസ് എസ്.വൈദ്യനാഥന്റെ നിരീക്ഷണം. ക്ഷേത്രോല്സവത്തോട് അനുബന്ധിച്ചുള്ള പരിപാടിയില് പങ്കെടുക്കാന് വരുന്നവര് ബെര്മുഡ, ഇറക്കം കുറഞ്ഞ സ്കര്ട്ടുകള്, സ്ലീവ്ലെസ് ടോപ്പുകള്, ലോ വെയ്സ്റ്റ് ജീന്സ്, ഇറക്കം കുറഞ്ഞ ടി ഷര്ട്ടുകള് എന്നിവ ധരിച്ചു വരരുതെന്നും കോടതി നിര്ദേശിച്ചു. ഈ ഉപാധികളുടെ അടിസ്ഥാനത്തില് കലാപരിപാടികള് നടത്താന് കോടതി അനുമതി നല്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
