പത്താന്കോട്ട് ഭീകരാക്രമണം,സൂത്രധാരന് അറസ്റ്റില്
ജയ്ഷെ മുഹമ്മദ് തലവന് മൗലാന മസൂദ് അസര് അറസ്റ്റിലായി. ഇയാളുടെ സഹോദരന് റൗഫിനേയും അറസ്റ്റ് ചെയ്തു. ഇന്ത്യ നല്കിയ തെളിവുകളുടെ അടിസ്ഥാനത്തിലായിരുന്നു അറസ്റ്റ്.
പത്താന്കോട്ട് ഭീകരാക്രമണത്തില് മസൂദ് നയിക്കുന്ന ഭീകരസംഘടനയായ ജെയ്ഷെ ഇ മുഹമ്മദാണെന്നുള്ള ഉറച്ച നിലപാടിലാണ് ഇന്ത്യ.
ഭീകരാക്രമണവുമായി ബന്ധപ്പെട്ട് മൂന്ന് തീവ്രവാദികളെയും പാകിസ്താന് അറസ്റ്റ് ചെയ്തിട്ടുണ്ട്. ജെയ്ഷെ മുഹമ്മദ് തീവ്രവാദികളെയാണ് അറസ്റ്റ് ചെയ്തത്. ജെയ്ഷെ മുഹമ്മദിന്റെ ഓഫീസ് സീല് വെക്കുകയും ചെയ്തു. വിവിധയിടങ്ങളില് റെയ്ഡ് നടത്തിയതിന് പിന്നാലെയാണ് പാകിസ്താന് തീവ്രവാദികളെ അറസ്റ്റ് ചെയ്യുന്നത്. ഭീകരാക്രമണവുമായി ബന്ധപ്പെട്ട് പാകിസ്താന് നടപടി തുടങ്ങിയതിന്റെ സൂചനയാണ് തീവ്രവാദികളുടെ അറസ്റ്റ്.
കൂടുതല് അന്വേഷണത്തിനായി പാക് സംഘത്തെ ഇന്ത്യയിലേക്ക് അയക്കുമെന്ന് പാകിസ്താന് വ്യക്തമാക്കി. പ്രധാനമന്ത്രി നരേന്ദ്രമോദിയുടെ അഭിപ്രായം കൂടി അറിഞ്ഞശേഷമായിരിക്കും ഇക്കാര്യത്തില് ഔദ്യോഗിക പ്രഖ്യാപനമുണ്ടാവുക.
അന്വേഷണം പുരോഗമിക്കുന്നുവെന്നും പാകിസ്താന് വ്യക്തമാക്കി. ആക്രമണം നടത്തിയത് ജെയ്ഷെ മുഹമ്മദ് ആണെന്ന് സംബന്ധിച്ച തെളിവുകള് പാകിസ്താന് ഇന്ത്യ കൈമാറിയിരുന്നു. തെളിവുകള് കൈമാറിയതിനു ശേഷമുള്ള ആദ്യ നടപടിയാണ് ഇത്.
അതേസമയം, സെക്രട്ടറി തല ചര്ച്ചയെ ഇന്ത്യ ഗൗരവത്തോടെ കാണുന്നില്ലെന്ന് പാകിസ്താന് വ്യക്തമാക്കി. ഉപാധികളോടെയുള്ള ചര്ച്ചകള് ലക്ഷ്യം കാണുന്നില്ല. ഇന്ത്യ നല്കിയ തെളിവുകള് അപര്യാപ്തമെന്നും പാകിസ്താന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
