ബഹ്റൈന് മനുഷ്യക്കടത്ത് കേസില് മുഖ്യ ഇടനിലക്കാരായ ദമ്പതികള് പിടിയില്
മുംബൈയില് ബഹ്റൈന് മനുഷ്യക്കടത്ത് കേസില് മുഖ്യ ഇടനിലക്കാരായ ദമ്പതികള് അടക്കം 5 പേര് അറസ്റ്റിലായി. ദമ്പതികളായ അബ്ദുല് നസീറും ഷാജിത മന്സൂറും മുംബൈ വിമാനത്താവളത്തില് നിന്നാണ് പിടിയിലായത്. ഇവര്ക്കെതിരെ ഓണ്ലൈന് പെണ്വാണിഭ കേസില് നിരവധി കേസുകളുണ്ട്. കൂടാതെ ദിലീപ് ഖാന്, മനാഫ് എന്നിവരും ബഹ്റൈനിലെ പെണ്വാണിഭകേന്ദ്രം നടത്തിപ്പിക്കുകാരനും പിടിയിലായി.
ഭീകരവിരുദ്ധ സേന ഐജി നികേഷ് കൌശിക്കിന്റെ നേതൃത്വത്തിലുള്ള സംഘമാണ് മുംബൈയില് വിമാനമിറങ്ങിയ പ്രതികള് രക്ഷപ്പെടാന് ശ്രമിക്കവെ കസ്റ്റഡിയിലെടുത്തത്. മുംബൈയില്നിന്നും ചെന്നൈയിലേക്ക് രക്ഷപ്പെടാന് ശ്രമിക്കുകയായിരുന്നു പ്രതികള്. ഓപ്പറേഷന് ബിഗ്ഡാഡി വഴിയാണ് ഇവശര കുടുക്കിയത്. രഹസ്യ വിവരം ലഭിച്ചതിനെ തുടര്ന്ന് രാജ്യത്തെ വിമാനത്താവളങ്ങള്ക്ക് ജാഗ്രതാ നിര്ദേശം നല്കിയിരുന്നു. കൂടാതെ ലുക്കൌട്ട് നോട്ടീസും പുറപ്പെടുവിച്ചിരുന്നു.
ബഹ്റിന്, ദുബായ് എന്നിവിടങ്ങളില് ജോലി വാഗ്ദാനം ചെയ്ത് യുവതികളെ വിദേശത്തേക്ക് കടത്തി നിര്ബന്ധിച്ച് ലൈംഗിക വ്യാപാരം നടത്തി വന്ന ഇരുവര്ക്കുമെതിരെ ഇരകളാക്കപ്പെട്ട യുവതികള് പോലീസില് രഹസ്യമൊഴി നല്കിയിരുന്നു. ഇതിന്റെ അടിസ്ഥാനത്തില് രാജ്യാന്തര ബന്ധമുള്ള കേസായതിനാല് ഡിജിപി. ടി.പി.സെന്കുമാറിന്റെ മേല്നോട്ടത്തില് പ്രത്യേക അന്വേഷണ സംഘമാണ് കേസ് അന്വേഷിച്ചിരുന്നത്.
ബഹ്റിനിലും ദുബായിലും യുവതികളെ നിര്ബന്ധപൂര്വം ലൈംഗിക വ്യാപാരത്തിന് ഉപയോഗിക്കുന്ന വാര്ത്ത നേരത്തെ റിപ്പോര്ട്ട് ചെയ്തിരുന്നു. ബഹ്റിനിലെ പെണ്വാണിഭ നടത്തിപ്പുകാരായ ദമ്പതികളെ കുടുക്കുന്നതിനായി രാജ്യാന്തര അന്വേഷണ സംഘത്തിന്റെ സഹായം തേടിയ വാര്ത്തകളും റിപ്പോര്ട്ട് ചെയ്തിരുന്നു. മാധ്യമങ്ങള് ഇരുവരുടെയും ഫോട്ടോകളും സംപ്രേഷണം ചെയ്തിരുന്നു.
ബഹ്റിനില് ഇരുവരും പോലീസിന്റെ പിടിയിലാകുമെന്ന് മനസ്സിലാക്കി അവിടെ നിന്നും ഇന്ത്യയിലേക്ക് കടക്കുകയായിരുന്നു ഇരുവരുമെന്ന് പോലീസ് വൃത്തങ്ങള് സൂചിപ്പിച്ചു. നസീറിനെയും ഷാജിദയെയും നാളെ വൈകുന്നേരത്തോടെ പ്രത്യേക അന്വേഷണ സംഘം തിരുവനന്തപുരത്തെത്തിക്കും. ബഹ്റിന് കേന്ദ്രീകരിച്ച് ഇവരുടെ അഭാവത്തില് രഹസ്യമായി ഇടപാടുകള് നടത്താനായി കൊച്ചിയില് നിന്നും അഞ്ച് പേരെ ബഹ്റിനിലേക്ക് എത്തിക്കുന്നതിന് വേണ്ടിയുള്ള തയാറെടുപ്പുകള് നടത്തിയ ശേഷമാണ് ഇരുവരും ഇന്ത്യയിലേക്ക് കടന്നതെന്ന് ഉന്നത പോലീസ് ഉദ്യോഗസ്ഥന് വ്യക്തമാക്കി.
ഇവരുടെ നിര്ദേശാനുസരണം ബഹ്റിനിലേക്ക് പുറപ്പെടാന് നെടുമ്പാശേരി വിമാനത്താവളത്തിലെത്തിയ അഞ്ച് പേരെ െ്രെകംബ്രാഞ്ചും സൈബര് പോലീസും ചേര്ന്ന് പിടികൂടി. കൊച്ചി സ്വദേശികളായ മനാഫ്, ദിലീപ് ഖാന്, എന്നിവരെ കൂടാതെ രണ്ട് യുവതികളും ഒരു യുവാവുമാണ് സൈബര് പോലീസിന്റെ കസ്റ്റഡിയിലായത്. ഇവരെ െ്രെകംബ്രാഞ്ച് ഐജി. എസ്.ശ്രീജിത്തിന്റെ നേതൃത്വത്തിലുള്ള സംഘം വിശദമായി ചോദ്യം ചെയ്യുകയാണ്.
ബഹ്റിനില് നിന്നും രക്ഷപ്പെട്ട് ചെന്നൈ കേന്ദ്രീകരിച്ച് പെണ്വാണിഭ ഇടപാട് നടത്തുന്നതിനാണ് അബ്ദുള് നസീറും ഷാജിദയും പദ്ധതി തയ്യാറാക്കിയിരുന്നതെന്ന് ചോദ്യം ചെയ്യലില് നസീര് പ്രത്യേക അന്വേഷണ സംഘത്തിനോട് വെളിപ്പെടുത്തിയിട്ടുണ്ട്. മുംബൈയിലെ രഹസ്യ കേന്ദ്രത്തില് പ്രത്യേക അന്വേഷണ സംഘം ഇരുവരെയും ചോദ്യം ചെയ്യുകയാണ്. െ്രെകംബ്രാഞ്ച് ഡിവൈഎസ്പി. പി.വേലായുധന് നായരുടെ നേതൃത്വത്തിലുള്ള സംഘമാണ് നസീറിനെയും ഷാജിദയെയും കസ്റ്റഡിയിലെടുത്തത്.
കൊച്ചി കേന്ദ്രീകരിച്ച് നടത്തിയ ഓണ് ലൈന് പെണ്വാണിഭ കേസില് രാഹുല് പശുപാലന് ഉള്പ്പെടെയുള്ളവര് പിടിയിലായതിന്റെ ചുവട് പിടിച്ച് പോലീസ് നടത്തിയ അന്വേഷണമാണ് രാജ്യന്തര ബന്ധമുള്ള മനുഷ്യകടത്തിലെയും പെണ്വാണിഭ ഇടപാടുകളിലെയും ഞെട്ടിക്കുന്ന വിവരങ്ങള് പുറത്താകാനും പ്രതികളെ പിടികൂടാന് സഹായിച്ചതും. ഓണ്ലൈന് പെണ്വാണിഭ കേസില് അറസ്റ്റിലായ അച്ചായന് എന്ന് വിളിയ്ക്കുന്ന ജോഷിയുടെ മകന് ജോയിസിനെ പിടികൂടിയതോടെയാണ് കേസ് പുതിയ വഴിത്തിരിവിലേക്ക് കടന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
