ആന്ധ്രയില് വാഹനാപകടം: അഞ്ച് മലയാളികള് അടക്കം ആറു പേര് മരിച്ചു
ആന്ധ്രയിലെ കര്ണൂലില് വാഹനാപകടത്തില് അഞ്ച് മലയാളികള് അടക്കം ആറു പേര് മരിച്ചു. കോട്ടയം സ്വദേശി പി.ഡി റോബിന്, ഭാര്യ ബിസ് മോള്, നാലു മാസം പ്രായമുള്ള കുഞ്ഞ്, പിതാവ് ദേവസ്യ, മാതാവ് ത്രേസ്യ, ആന്ധ്രാ സ്വദേശിയും ഡ്രൈവറുമായ പവന് എന്നിവരാണ് മരിച്ചത്.
കുഞ്ഞിന്റെ മാമോദീസ കര്മം നടത്തിയ ശേഷം കോട്ടയത്ത് നിന്ന് ഹൈദരാബാദിലേക്ക് പോവുകയായിരുന്നു സംഘം. പുലര്ച്ചെ രണ്ടിന് ആന്ധ്രയിലെ പൊന്തുരുത്തിയില് കാര് കലുങ്കിലിടിച്ചായിരുന്നു അപകടം. ബംഗളൂരു ഹൈദരാബാദ് ദേശീയപാതയിലാണ് സംഭവം. മൃതദേഹങ്ങള് പോസ്റ്റ്മോര്ട്ടത്തിനായി അപകടസ്ഥലത്തിന് സമീപത്തെ സര്ക്കാര് ആശുപത്രിയില് സൂക്ഷിച്ചിരിക്കുകയാണ്. ഡ്രൈവര് ഉറങ്ങിയതാകാം അപകട കാരണമെന്ന് പ്രാഥമിക നിഗമനം.
തെലങ്കാന മെഹബൂബ് നഗര് ജില്ലാ മലയാളി അസോസിയേഷന് പ്രസിഡന്റാണ് റോബിന്. മെഹൂബൂബ് നഗറിലെ മക്കലില് കേരളാ മോഡല് സ്കൂള് നടത്തി വരികയായിരുന്നു. അടുത്ത കാലത്ത് മുഖ്യമന്ത്രി ഉമ്മന്ചാണ്ടി ഉദ്ഘാടനം നിര്വഹിച്ച തെലങ്കാന എഡ്യുക്കേഷന് സൊസൈറ്റി എന്ന ട്രസ്റ്റിന്റെ ജനറല് സെക്രട്ടറിയുമാണ്. വര്ഷങ്ങളായി റോബിനും കുടുംബവും തെലങ്കാനയിലാണ് താമസിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
