ജനുവരി 23 ന് രാജ്യത്തിന്റെ വിവിധ ഭാഗങ്ങളില്‍ തീവ്രവാദ ആക്രമത്തിന് സാധ്യതയുണ്ടെന്ന് ഇന്റലിജന്റ്‌സ് ബ്യൂറോയാണ് അറിയിപ്പ് നല്‍കിയിരിക്കുന്നത്. ഐ.ബിയുടെ നിരീക്ഷണത്തിലായിരുന്ന ബംഗ്ലാദേശിലുള്ള ഒരു മൊബൈല്‍ നമ്പരിലേയ്ക്ക് വന്ന സന്ദേശത്തെ തുടര്‍ന്നാണ് ഇന്റലിജന്റസ് വിഭാഗം സുരക്ഷാ മുന്നറിയിപ്പ് നല്‍കിയിരിക്കുന്നത്.
പാകിസ്താനുമായി ബന്ധമുള്ള നമ്പരിലേക്ക് ജനുവരി പതിനഞ്ചിനാണ് സന്ദേശം എത്തിയത്. ഡോക്ടര്‍ മരുന്ന് കൊണ്ടുവരുമെന്നായിരുന്നു സന്ദേശം. ഇതൊരു രഹസ്യ കോഡാണെന്നാണ് ഇന്റലിജന്റസ് ബ്യുറോ നല്‍കുന്ന വിവരം. ആക്രമണ ഭീഷണിയെക്കുറിച്ച് എല്ല സേനാ വിഭാഗങ്ങള്‍ക്കും പോലീസ് മേധാവികള്‍ക്കും മുന്നറിയിപ്പ് നല്‍കിയിട്ടുണ്ട്. ബംഗ്ലാദേശ് കേന്ദ്രീകരിച്ച് പ്രവര്‍ത്തിക്കുന്ന ഹിസ്ബ് ഉദ് തഹിറീര്‍ എന്ന സംഘടനയാണ് ആക്രമണത്തിന് ലക്ഷ്യമിട്ടിരിക്കുന്നത്.
രാജ്യത്തിന്റെ വിവിധ ഭാഗങ്ങളിലുള്ള 23 കേന്ദ്രങ്ങളില്‍ ഭീകരര്‍ ആക്രമണത്തിന് ലക്ഷ്യമിടുന്നതായാണ് ഇന്റലിജന്റ്‌സ് ബ്യൂറോ നല്‍കുന്ന വിവരങ്ങള്‍. നേരത്തെ തീവ്രവാദ ആക്രമണം നടന്ന ഗുര്‍ദാസ്പൂരും പത്താന്‍കോട്ടും തീവ്രവാദികളുടെ ലക്ഷ്യത്തിലുണ്ടെന്നും ഇന്റലിജന്റ് ബ്യറോ പറയുന്നു.
സുരക്ഷയുടെ ഭാഗമായി സേനാവിഭവഗങ്ങള്‍ ആവശ്യമായ മുന്‍കരുതലുകള്‍ എടുക്കണമെന്നും, സേനാ ആസ്ഥാനങ്ങളുടെ സുരക്ഷ പരിശോധിക്കുകയും ചെയ്യണമെന്നും ഐ.ബി അറിയിച്ചിട്ടുണ്ട്. ഷോപ്പിങ് മാളുകള്‍ , മാര്‍ക്കറ്റുകള്‍, വിദ്യാഭ്യാസ സ്ഥാപനങ്ങള്‍ എന്നിവയൊക്കെയാകാം ലക്ഷ്യമെന്നും ഇന്റലിജന്റസ് ബ്യൂറോ മുന്നറിയിപ്പ് നല്‍കുന്നു. ജയ്‌ഷേ ഇ മുഹമ്മദ് , ലഷ്‌കര്‍ ഇ തോയിബ എന്നീ തീവ്രവാദ സംഘടനകളുടെ സഹായത്തോടെയാകും ആക്രമണമെന്ന് ഇന്റലിജന്റസ് ബ്യുറോ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha