രോഹിത് വെമൂലയുടെ മരണത്തെത്തുടര്ന്ന് സര്വകലാശാലയിലെ എസ്.സി, എസ്.ടി അധ്യാപകരും പ്രതിഷേധത്തില്; 10 പ്രൊഫസര്മാര് പദവികളില് നിന്ന് രാജിവെച്ചു
രോഹിത് വെമൂല എന്ന വിദ്യാര്ഥിയുടെ മരണത്തെത്തുടര്ന്ന് സര്വകലാശാലയിലെ എസ്.സി, എസ്.ടി അധ്യാപകരും പ്രതിഷേധത്തില്. ഭരണപരമായ പദവികള് വഹിക്കുന്ന 10 പ്രൊഫസര്മാര് പദവികളില് നിന്ന് രാജിവെച്ചു.സമരം ചെയ്യുന്ന വിദ്യാര്ഥികളോട് അനുഭാവം പ്രകടിപ്പിച്ചാണ് രാജി. അതേസമയം സര്വകലാശാലയില് വിദ്യാര്ഥികളുടെ നിരാഹാര സമരം തുടരുകയാണ്. ബുധനാഴ്ച നൂറോളം വിദ്യാര്ഥികളാണ് കാമ്പസില് അനിശ്ചിതകാല നിരാഹാരമിരുന്നത്. കേന്ദ്രമന്ത്രി ബണ്ടാരു ദത്താത്രേയയെ പുറത്താക്കുക, സര്വകലാശാല വൈസ് ചാന്സലര് അപ്പ റാവുവിനെ സസ്പെന്ഡ് ചെയ്യുക, ഇരുവരെയും അറസ്റ്റ് ചെയ്യുക എന്നീ ആവശ്യങ്ങളുന്നയിച്ചാണ് നിരാഹാരം. ക്യാമ്പസില് നിരോധനാജ്ഞ തുടരുകയാണ്. സംയുക്ത സമരസമിതിയാണ് പ്രക്ഷോഭത്തിന് നേതൃത്വം നല്കുന്നത്. സി.പി.എം. തെലങ്കാന സംസ്ഥാന സെക്രട്ടറി തമ്മിനേനി വീരഭദ്രവും വിദ്യാര്ഥികള്ക്കൊപ്പം നിരാഹാരമിരിക്കുന്നുണ്ട്. സി.പി.എം. ജനറല് സെക്രട്ടറി സീതാറാം യെച്ചൂരി, ബി.എസ്.പി. നേതാവ് മായാവതി, റിപ്പബ്ലിക്കന് പാര്ട്ടി നേതാവ് രാംദാസ് അതാവ ്േല, എല്.ജെ.പി. നേതാവ് ചിരാഗ് പാസ്വാന്, തൃണമൂല് കോണ്ഗ്രസ് എം.പി ഡെറിക് ഒബ്രിയന് എന്നിവര് കഴിഞ്ഞ ദിവസം കാമ്പസിലെത്തി. ഇന്ന് ഡല്ഹി മുഖ്യമന്ത്രി കെജ്രിവാളും ബിഹാര് മുഖ്യമന്ത്രി നിതീഷ് കുമാറും എത്തുന്നുണ്ട്. രോഹിതിന്റെ മരണം സ്വതന്ത്ര ഏജന്സിയെക്കൊണ്ട് അന്വേഷിപ്പിക്കണമെന്ന് യെച്ചൂരി ആവശ്യപ്പെട്ടു. ഹൈദരാബാദ് സര്വകലാശാല വി.സി. നിയമനത്തിലും ദുരൂഹതയുണ്ടെന്ന് അദ്ദേഹം ആരോപിച്ചു. രാംദാസ് അതാവ്ലേ വിദ്യാര്ഥികളോട് സംസാരിക്കാതെ തിരിച്ചുപോകാന് ശ്രമിച്ചത് സംഘര്ഷത്തിന് കാരണമായി. വിദ്യാര്ഥികള് അദ്ദേഹത്തെ തടഞ്ഞു. എന്.ഡി.എ. സര്ക്കാറിനുള്ള പിന്തുണ പിന്വലിക്കണമെന്ന് മഹാരാഷ്ട്രയില് നിന്നുള്ള വിദ്യാര്ഥികള് അദ്ദേഹത്തോട് ആവശ്യപ്പെട്ടു.
രോഹിതിന്റെ ആത്മഹത്യയെക്കുറിച്ച് സി.ബി.ഐ. അന്വേഷിക്കണമെന്നും ദത്താത്രേയക്കെതിരെ നടപടിയെടുക്കണമെന്നും സര്ക്കാറിനോട് ആവശ്യപ്പെട്ടെന്ന് അതാവ്ലേ വിദ്യാര്ഥികളെ അറിയിച്ചു. ആന്ധ്രാപ്രദേശ് പ്രതിപക്ഷ നേതാവ് വൈ.എസ്. ജഗനമോഹന് റെഡ്ഡി രോഹിതിന്റെ വീട്ടിലെത്തി അമ്മ രാധികയെയും സഹോദരനെയും കണ്ടു.എം.ഐ.എം. നേതാവും ഹൈദരാബാദ് എം.പിയുമായ അസാദുദ്ദീന് ഒവൈസിയും കാമ്പസില് എത്തി. സ്മൃതി ഇറാനിയെയും ബണ്ടാരു ദത്താത്രേയയെയും പുറത്താക്കണമെന്ന് കെ.സി. വേണുഗോപാല് എം.പി. ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
