240 സീറ്റുകൾ നേടിയതിന് ശേഷം ബിജെപിക്ക് ലോക്‌സഭാ ഭൂരിപക്ഷത്തിന് 32 സീറ്റുകൾ കുറവാണ്, പക്ഷേ എൻഡിഎയിലെ 53 എംപിമാരുടെ പിൻബലത്തിൽ അധികാരം നിലനിർത്തി നരേന്ദ്ര മോദി തന്നെ മൂന്നാം തവണയും പ്രധാനമന്ത്രിയാകും എന്ന് ഉറപ്പായിരിക്കുകയാണ് - .അടുത്ത കേന്ദ്രസർക്കാർ രൂപീകരിക്കാൻ ബിജെപിയുടെ ദേശീയ ജനാധിപത്യ സഖ്യത്തിൻ്റെ നേതാവെന്ന നിലയിൽ നരേന്ദ്ര മോദിയെ പ്രസിഡൻ്റ് ദ്രൗപതി മുർമു ക്ഷണിച്ചു.

2024 ജൂൺ 09 ന് വൈകുന്നേരം 07:15 ന് രാഷ്ട്രപതി , പ്രധാനമന്ത്രിക്കും കേന്ദ്ര മന്ത്രിമാരുടെ മറ്റ് അംഗങ്ങൾക്കും സത്യവാചകം ചൊല്ലിക്കൊടുക്കും," . പുതുതായി രൂപീകരിക്കപ്പെട്ട 18-ാം ലോക്‌സഭയിൽ ബി.ജെ.പി. നേതൃത്വത്തിലുള്ള എൻ.ഡി.എ സഖ്യം ഭൂരിപക്ഷ പിന്തുണ ഉറപ്പിച്ച സാഹചര്യത്തിലാണ് എം.എസ് മുർമു നരേന്ദ്ര മോദിയെ സർക്കാർ രൂപീകരിക്കാൻ വിളിച്ചതെന്ന് രാഷ്ട്രപതി ഭവനിൽ നിന്നുള്ള പ്രസ്താവനയിൽ പറയുന്നു

രാഷ്ട്രപതി ഭവനില്‍ നാളെ നടക്കുന്ന മൂന്നാം മോദി സര്‍ക്കാരിന്‌റെ സത്യപ്രതിജ്ഞാചടങ്ങില്‍ പ്രധാന അതിഥികള്‍ വിദേശ നേതാക്കളാണ്. 'അയല്‍പക്കം ആദ്യം' എന്ന നയത്തിന്‌റെ ഭാഗമായാണ് ബംഗ്ലാദേശ്, ശ്രീലങ്ക, ഭൂട്ടാന്‍, നേപ്പാള്‍, മൗറിഷ്യസ്, സീഷെല്‍സ് എന്നീ രാജ്യങ്ങളിലെ നേതാക്കളെ ചടങ്ങിനായി ക്ഷണിച്ചിരിക്കുന്നതെന്നാണ് വിശദീകരണം. ഇതോടെ നിയുക്ത പ്രധാനമന്ത്രി നരേന്ദ്ര മോദി ഇത് മൂന്നാം തവണയാണ് ഇന്ത്യയെ നയിക്കുന്നത് .കോൺഗ്രസ് നേതാവായ ജവഹർലാൽ നെഹ്‌റുവിന് ശേഷം മൂന്ന് തവണ പ്രധാനമന്ത്രിയാകുന്ന ആദ്യ വ്യക്തിയാണ് മോദി.

ഇവര്‍ക്കൊപ്പം മാലദ്വീപ് പ്രസിഡന്‌റ് മുഹമ്മദ് മുയ്സു സത്യപ്രതിജ്ഞാ ചടങ്ങിന് എത്തുമെന്ന് പ്രതീക്ഷിക്കുന്നുണ്ട്. ഇന്ത്യ- മാലദ്വീപ് ഉഭയകക്ഷി ബന്ധത്തില്‍ തിരിച്ചടി നേരിട്ടെങ്കിലും പ്രധാനമന്ത്രിയുടെ സത്യപ്രതിജ്ഞാചടങ്ങില്‍ പങ്കെടുക്കാന്‍ മുയ്സു തീരുമാനിച്ചാല്‍ വിദേശനേതാക്കളില്‍ ഏറ്റവും ശ്രദ്ധേയമാകുന്നത് മുയ്സു ആയിരിക്കും. സത്യപ്രതിജ്ഞയ്ക്കു ശേഷം വിദേശനേതാക്കളുമായി മോദി കൂടിക്കാഴ്ച നടത്തുമെന്നാണ് റിപ്പോർട്ട്.

എന്നാല്‍ മുയ്സു പങ്കെടുക്കുന്നത് സംബന്ധിച്ച് ഇതുവരെ ഔദ്യോഗിക പ്രഖ്യാപനം ഉണ്ടായിട്ടില്ലെങ്കിലും പങ്കെടുക്കുമെന്ന് പ്രതീക്ഷിക്കുന്നതായി മാലദ്വീപ് സര്‍ക്കാര്‍ ഉദ്യോഗസ്ഥനെ ഉദ്ധരിച്ച് ദ ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നു. നിരവധി മുതിര്‍ന്ന സര്‍ക്കാര്‍ ഉദ്യോഗസ്ഥരോടാപ്പം മുയ്സു ചടങ്ങിനായി ശനിയാഴ്ച ഡല്‍ഹിയിലേക്ക് പോകുമെന്ന് സഹോദരസ്ഥാപനമായ ദിവേഹി മിഹാരു ന്യൂസിനെ ഉദ്ധരിച്ച് എഡിഷന്‍ ഡോട്ട് എംവി റിപ്പോര്‍ട്ട് ചെയ്യുന്നു.

സത്യപ്രതിജ്ഞാ ചടങ്ങിനെത്താനുള്ള മുയ്സു എത്താനുള്ള സാധ്യത ഏറെയാണ്. തിരഞ്ഞെടുപ്പ്ഫലം വന്ന് അടുത്ത ദിവസം മുയ്സു മോദിയെ അഭിനന്ദിക്കുകയും ഉഭകക്ഷിബന്ധം മെച്ചപ്പെടുത്തതിന് ഇന്ത്യന്‍ പ്രധാനമന്ത്രിയുമായി ചേര്‍ന്ന് പ്രവര്‍ത്തിക്കാനുള്ള ആഗ്രഹം പ്രകടിപ്പിക്കുകയും ചെയ്തിരുന്നു. '2024-ലെ ഇന്ത്യന്‍ പൊതുതിരഞ്ഞെടുപ്പില്‍ മൂന്നാം തവണയും വിജയിച്ചതിന് പ്രധാനമന്ത്രി നരേന്ദ്ര മോദിക്കും ബിജെപിക്കും ബിജെപി നയിക്കുന്ന എന്‍ഡിഎയ്ക്കും അഭിനന്ദനങ്ങള്‍. ഇരു രാജ്യങ്ങളും പങ്കിട്ട അഭിവൃദ്ധിയും സ്ഥിരതയും തുടരുന്നതിനായി പങ്കുവച്ച താല്‍പര്യങ്ങള്‍ മുന്നോട്ട് കൊണ്ടുപോകാന്‍ ഒരുമിച്ച് പ്രവര്‍ത്തിക്കാന്‍ ഞാന്‍ ആഗ്രഹിക്കുന്നു-' മുയ്സു എക്‌സില്‍ കുറിച്ചു.

ബിജെപി പാർലമെൻ്ററി പാർട്ടി നേതാവായി മോദിയെ തിരഞ്ഞെടുത്തതായി കാണിച്ച് നദ്ദ രാഷ്ട്രപതിക്ക് കത്ത് നൽകി. ബി.ജെ.പിയെ പിന്തുണച്ച് എൻ.ഡി.എ നേതാക്കളും മുർമുവിന് കത്ത് നൽകിയിരുന്നു .

നദ്ദയുടെ നേതൃത്വത്തിൽ രാജ്‌നാഥ് സിംഗ്, അമിത് ഷാ, അശ്വിനി വൈഷ്ണവ്, സി എൻ മഞ്ജുനാഥ് , ടിഡിപി അധ്യക്ഷൻ എൻ ചന്ദ്രബാബു നായിഡു, ജെഡിയു നേതാക്കളായ നിതീഷ് കുമാർ, രാജീവ് രഞ്ജൻ സിംഗ്, സഞ്ജയ് എന്നിവരടങ്ങിയ എൻഡിഎ പ്രതിനിധി സംഘത്തിനൊപ്പം
ഝാ, ശിവസേന നേതാവ് ഏകനാഥ് ഷിൻഡെ, ജെഡി (എസ്) നേതാവ് എച്ച് ഡി കുമാരസ്വാമി, എൽജെപി (ആർവി) നേതാവ് ചിരാഗ് പാസ്വാൻ, എച്ച്എഎം (എസ്) നേതാവ് ജിതൻ റാം മാഞ്ചി, ജനസേന നേതാവ് പവൻ കല്യാൺ, എൻസിപി നേതാവ് അജിത് പവാർ, അപ്നാദൾ (എസ്) നേതാവ് അനുപ്രിയ പട്ടേൽ, ആർഎൽഡി നേതാവ് ജയന്ത് ചൗധരി, യുപിപിഎൽ നേതാവ് ജോയന്ത ബസുമതരി, എജിപി നേതാവ് അതുൽ ബോറ, എസ്‌കെഎം നേതാവ് ഇന്ദ്ര ഹാംഗ് സുബ്ബ, എജെഎസ്‌യു നേതാക്കളായ സുധേഷ് മഹ്തോ, ചന്ദ്രപ്രകാശ് ചൗധരി, ആർപിഐ(എ) യിൽ നിന്നുള്ള രാംദാസ് അത്വാലെ എന്നിവരാണ് മുർമുവിനെ സന്ദർശിച്ചത്. .