മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): കുടുംബത്തിൽ അഭിവൃദ്ധി ഉണ്ടാകുന്ന ദിവസമാണിത്. ബന്ധുക്കളുമായി ചെറിയ അഭിപ്രായവ്യത്യാസങ്ങൾ നിലനിന്നിരുന്നവർക്ക് അവയെല്ലാം മാറി രമ്യതയിലും ഐക്യത്തിലും കഴിയാനുള്ള സാഹചര്യം വന്നുചേരും. സമാധാനപരമായ അന്തരീക്ഷം നിലനിൽക്കും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ദമ്പതികൾ തമ്മിൽ പരസ്പര വിശ്വാസവും ഐക്യവും വർദ്ധിക്കും. കുടുംബത്തിലെ മംഗളകരമായ കർമ്മങ്ങൾക്ക് നേതൃത്വം നൽകാൻ അവസരം ലഭിക്കും. ഔദ്യോഗിക രംഗത്ത് പ്രവർത്തിക്കുന്നവർക്ക് സ്ഥാനക്കയറ്റം ലഭിക്കാൻ സാധ്യതയുള്ള ശുഭദിനമാണിത്.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ശാരീരികമായും മാനസികമായും ചെറിയ അസ്വസ്ഥതകൾ അനുഭവപ്പെട്ടേക്കാം. അടുത്ത ബന്ധുക്കളിൽ നിന്നോ സുഹൃത്തുക്കളിൽ നിന്നോ പ്രതീക്ഷിക്കാത്ത ചില വിഷമതകൾ ഉണ്ടായേക്കാം. സന്താനങ്ങളുടെ കാര്യത്തിലും കൂടുതൽ ശ്രദ്ധയും കരുതലും ആവശ്യമാണ്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ആരോഗ്യകാര്യത്തിൽ അതീവ ജാഗ്രത പാലിക്കേണ്ട ദിവസമാണിത്. ഉദരരോഗങ്ങൾ, ഭക്ഷണവിഷബാധ, ശ്വാസകോശ സംബന്ധമായ ബുദ്ധിമുട്ടുകൾ എന്നിവയ്ക്ക് സാധ്യതയുണ്ട്. ആലോചനയില്ലാത്ത പെരുമാറ്റവും അഹങ്കാരവും ഒഴിവാക്കുന്നത് ദുരിതങ്ങൾ അകറ്റാൻ സഹായിക്കും. അഗ്നി കൈകാര്യം ചെയ്യുമ്പോൾ ശ്രദ്ധിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): തൊഴിൽപരമായ തടസ്സങ്ങൾ നീങ്ങുകയും ഉന്നത ജോലിയിൽ പ്രവേശിക്കാൻ സാധിക്കുകയും ചെയ്യും. ബന്ധുജനങ്ങളിൽ നിന്ന് അപ്രതീക്ഷിത സഹായങ്ങൾ ലഭിക്കും. വസ്ത്രങ്ങൾ, ആഭരണങ്ങൾ, അലങ്കാര വസ്തുക്കൾ എന്നിവ സ്വന്തമാക്കാൻ അവസരമുണ്ടാകും. പ്രണയകാര്യങ്ങളിൽ പുരോഗതിയുണ്ടാകും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): മനസ്സിൽ വിചാരിക്കുന്ന കാര്യങ്ങൾ തടസ്സമില്ലാതെ നടക്കുന്ന കാലമാണിത്. ഉന്നത സ്ഥാനപ്രാപ്തിയും ബിസിനസ്സിൽ പുരോഗതിയും ഉണ്ടാകും. തൊഴിൽ വിജയത്തോടൊപ്പം സാമ്പത്തിക ലാഭവും ശരീരസുഖവും പ്രതീക്ഷിക്കാം. വിദേശവാസം ആഗ്രഹിക്കുന്നവർക്ക് അതിനുള്ള വഴി തെളിയും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): പ്രവർത്തനങ്ങളിൽ ചില തടസ്സങ്ങളും പ്രതീക്ഷിക്കാത്ത സംഭവവികാസങ്ങളും ഉണ്ടാകാൻ ഇടയുണ്ട്. നിയമപരമായ കാര്യങ്ങളിൽ ജാഗ്രത വേണം. ഉദര സംബന്ധമായ അസുഖങ്ങളോ കുടുംബാംഗങ്ങളുമായും അയൽക്കാരുമായും അഭിപ്രായവ്യത്യാസങ്ങളോ ഉണ്ടായേക്കാം.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): തൊഴിൽ രംഗത്ത് വിജയം കൈവരിക്കാൻ സാധിക്കുമെങ്കിലും സാമ്പത്തിക നേട്ടങ്ങൾക്കൊപ്പം ചില അലച്ചിലുകളും ഉണ്ടായേക്കാം. കുടുംബാംഗങ്ങളുമായി ആശയവിനിമയം നടത്തുമ്പോൾ മിതത്വം പാലിക്കുക. പുതിയ ബന്ധങ്ങളിൽ ഏർപ്പെടുമ്പോൾ പ്രത്യേകം ശ്രദ്ധിക്കണം.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): കുടുംബത്തിൽ ഐശ്വര്യവും സന്തോഷവും നിറയുന്ന ദിവസമാണ്. ബന്ധുജനങ്ങളിൽ നിന്ന് നല്ല അനുഭവങ്ങൾ ഉണ്ടാകും. ആഭരണങ്ങളും വസ്ത്രങ്ങളും വാങ്ങാൻ സാധിക്കും. ദമ്പതികൾക്കിടയിൽ ഐക്യവും ഭക്ഷണസുഖവും ശയനസുഖവും വർദ്ധിക്കും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): കാര്യതടസ്സങ്ങളും ആരോഗ്യ പ്രശ്നങ്ങളും നേരിടാൻ സാധ്യതയുള്ളതിനാൽ ജാഗ്രത പാലിക്കുക. തൊഴിൽപരമായ ക്ലേശങ്ങൾക്കോ സാമ്പത്തിക നഷ്ടങ്ങൾക്കോ സാധ്യതയുണ്ട്. കുടുംബാംഗങ്ങളുമായി രമ്യതയിൽ പോകാൻ ശ്രമിക്കണം. സന്താനങ്ങളുടെ ആരോഗ്യകാര്യത്തിൽ ശ്രദ്ധ വേണം.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): എല്ലാ മേഖലകളിലും വിജയം കൈവരിക്കാൻ സാധിക്കുന്ന മികച്ച ദിവസമാണിത്. ഉന്നത സ്ഥാനലബ്ധിയും പ്രശസ്തിയും തേടിയെത്തും. രോഗങ്ങൾ മാറി ആരോഗ്യം വർദ്ധിക്കും. സാമ്പത്തിക നേട്ടത്തോടൊപ്പം കുടുംബത്തിൽ സന്തോഷവും ഐശ്വര്യവും നിലനിൽക്കും.

മീനം രാശി ( പൂരൂരുട്ടാതി   അവസാന കാൽഭാഗം, ഉതൃട്ടാതി, രേവതി): ഭൂമി സംബന്ധമായ ഇടപാടുകളിൽ നഷ്ടങ്ങൾ സംഭവിക്കാതിരിക്കാൻ ശ്രദ്ധിക്കുക. സാമ്പത്തിക കാര്യങ്ങളിലും ഭക്ഷണ കാര്യങ്ങളിലും ജാഗ്രത ആവശ്യമാണ്. കുടുംബബന്ധുക്കളുമായി കലഹത്തിന് മുതിരരുത്. യാത്രകളിൽ ക്ലേശങ്ങൾ അനുഭവപ്പെടാൻ സാധ്യത കാണുന്നു.