ദിവസവും നിരവധി ഞെട്ടിക്കുന്ന കൊലപാതക വാർത്തകൾ നമ്മൾ കേൾക്കുന്നതാണ് . രാജ്യത്തിന്റെ പല ഭാഗത്തും ഇത്തരത്തിൽ കൊലപതാക വാർത്തകൾ കേൾക്കാറുണ്ട്. അതിൽ പലതും ക്രൂരമായ കൊലപാതക വാർത്തയായിരിക്കും. ഇപ്പോഴിതാ അത്തരത്തിൽ ഗുജറാത്തിലെ രാജ്‌കോട്ടിൽ അമ്മയെ കൊലപ്പെടുത്തിയതിന് 21 കാരനെ പോലീസ് അറസ്റ്റ് ചെയ്തു. കൊലപാതക വിവരം നാട്ടുകാരാണ് പോലീസിൽ അറിയിച്ചത്. രാജ്‌കോട്ടിലെ യൂണിവേഴ്‌സിറ്റി റോഡിലെ ഭഗത്‌സിൻഹ്‌ജി ഗാർഡനിൽ അമ്മയുടെ മൃതദേഹത്തിനരികിൽ ഇരിക്കുന്ന പ്രതി നിലേഷ് ഗോസായിയെ കണ്ട് ഭയന്നാണ് പ്രദേശവാസി പോലീസിനെ അറിയിക്കുന്നത്. ഇതോടെയാണ് സംഭവം പുറത്തറിഞ്ഞു.

പോലീസ് നിലേഷ് ചോദ്യം ചെയ്യലിൽ കൊലപാതകം സമ്മതിച്ചു. ജ്യോതിബെൻ ഗോസായി എന്ന 48 കാരിയാണ് കൊല്ലപ്പെട്ടത്. ആദ്യം കത്തി ഉപയോഗിച്ച് അമ്മയെ ആക്രമിക്കാൻ ശ്രമിച്ചു, എന്നാൽ പ്രാണഭയത്താൽ ജ്യോതിബെൻ കത്തി പിടിച്ചെടുക്കാൻ ശ്രമിച്ചു. ഇതോടെ നിലേഷ് അമ്മയെ പുതപ്പ് കൊണ്ട് ഞെരിച്ച് കൊല്ലാൻ ശ്രമിച്ചു. കുറ്റം ചെയ്തതിന് ശേഷം, "സോറി അമ്മ ഞാൻ നിന്നെ കൊല്ലുന്നു, ഞാൻ മിസ്സ് ചെയ്യും, ഓം ശാന്തി" എന്ന അടിക്കുറിപ്പോടെ അമ്മയുടെ മൃതദേഹത്തിൻ്റെ ഫോട്ടോ ഇൻസ്റ്റാഗ്രാമിൽ പോസ്റ്റ് ചെയ്തു. മറ്റൊരു പോസ്റ്റിൽ, "ഞാൻ എൻ്റെ അമ്മയെ കൊല്ലുന്നു, എൻ്റെ ജീവൻ നഷ്ടപ്പെട്ടു, ക്ഷമിക്കണം അമ്മ, ഓം ശാന്തി, മിസ് യു അമ്മ (sic)" എന്നും ഇയാൾ പങ്കിട്ടു.

പ്രാഥമിക അന്വേഷണത്തിൽ, ജ്യോതിബെൻ വർഷങ്ങളായി കടുത്ത മാനസിക രോഗവുമായി മല്ലിടുകയായിരുന്നെന്നും ഇത് മകനുമായി അടിക്കടി വഴക്കുകൾക്കും ശാരീരിക വഴക്കുകൾക്കും ഇടയാക്കിയിരുന്നതായി കണ്ടെത്തി. സംഭവദിവസം അമ്മയും മകനും തമ്മിൽ രൂക്ഷമായ തർക്കം അക്രമത്തിൽ കലാശിക്കുകയായിരുന്നു. 20 വർഷങ്ങൾക്ക് മുൻപ് ഡിവോഴ്സ് ചെയ്ത ജ്യോതിബെൻ മകനുവേണ്ടിയാണ് ജിവിച്ചത്. വിഷയത്തിൽ കൂടുതൽ അന്വേഷണം നടന്നുവരികയാണ്. കൊലപാതകം നടത്തിയിരിക്കുന്ന പ്രതി മദ്യത്തിനും മയക്കു മരുന്നിനും മറ്റും അടിമയാണോ എന്നുള്ളതെല്ലാം പോലീസ് വിശദമായി പരിശോധിച്ച് വരികയാണ്.