ഖനി തൊഴിലാളികള് കുടുങ്ങിക്കിടക്കുന്നത് 300 അടിയോളം താഴ്ചയില്... അസമിലെ കല്ക്കരി ഖനിക്കുള്ളില് വെള്ളം കയറി തൊഴിലാളികള് കുടുങ്ങിയ സംഭവത്തില് ഒരു തൊഴിലാളിയുടെ മൃതദേഹം കണ്ടെടുത്തു....
അസമിലെ കല്ക്കരി ഖനിക്കുള്ളില് വെള്ളം കയറി തൊഴിലാളികള് കുടുങ്ങിയ സംഭവത്തില് ഒരു തൊഴിലാളിയുടെ മൃതദേഹം കണ്ടെടുത്തു. അസമിലെ ദിമാ ഹസാവോ ജില്ലയിലെ ഉമ്രാംഗ്സോയിലെ കല്ക്കരി ഖനിയിലാണ് തിങ്കളാഴ്ച തൊഴിലാളികള് അകപ്പെട്ടത്.
ഖനിയില് ഒന്പത് പേരാണ് കുടുങ്ങിയത് എന്നാണ് നിഗമനത്തിലുള്ളത്. കുടുങ്ങിക്കിടക്കുന്ന മറ്റ് തൊഴിലാളികളെ രക്ഷപ്പെടുത്താനുള്ള ശ്രമം തുടരുന്നു. സൈന്യത്തിന്റെയും, എന്ഡിആര്എഫ്, എസ് ഡി ആര് എഫ് സംഘങ്ങളുടെയും നേതൃത്വത്തിലാണ് രക്ഷാപ്രവര്ത്തനം നടക്കുന്നത്. 300 അടിയോളം താഴ്ചയിലാണ് ഖനി തൊഴിലാളികള് കുടുങ്ങിക്കിടക്കുന്നത്.
48 മണിക്കൂറുകള് നീണ്ട പരിശ്രമത്തിനൊടുവിലാണ് ഒരു തൊഴിലാളിയുടെ മൃതദേഹം കണ്ടെത്താനായത്. ഖനി നിയമവിരുദ്ധമായി പ്രവര്ത്തിച്ചതിനും, ഇന്ത്യയില് നിരോധിച്ച ഖനനരീതി പിന്തുടര്ന്നതിനും ഒരാളെ അറസ്റ്റ് ചെയ്തതായി അസം മുഖ്യമന്ത്രി ഹിമന്ത് ബിശ്വശര്മ്മ പറഞ്ഞു. ഖനിയുടമക്കെതിരെ മനപ്പൂര്വമല്ലാത്ത നരഹത്യക്ക് കേസെടുത്തു. ദേശീയ ദുരന്തനിവാരണ സേനാംഗങ്ങളും തദ്ദേശ ദുരന്തനിവാരണ സേനാംഗങ്ങളും സ്ഥലത്ത് രക്ഷാപ്രവര്ത്തനം നടത്തുന്നു.
https://www.facebook.com/Malayalivartha
