ആന്ധ്രാപ്രദേശ് മന്ത്രിയുടെ മകനെ അധ്യാപികയെ പീഡിപ്പിക്കാന്‍ ശ്രമിച്ചതിനെ തുടര്‍ന്ന് പൊലീസ് അറസ്റ്റ് ചെയ്തു. ആന്ധ്രാപ്രദേശ് മന്ത്രി രാവേല കിഷോറിന്റെ മകന്‍ രാവേല സുശീലാണ് അറസ്റ്റിലായത്. സുശീലിന്റെ െ്രെഡവര്‍ രമേശിനെയും പീഡനകുറ്റത്തിന് പൊലീസ് അറസ്റ്റ് ചെയ്തു. അധ്യാപികയെ വഴിയില്‍ തടഞ്ഞുനിര്‍ത്തി അസഭ്യം പറയുകയും ബലമായി കാറില്‍ പിടിച്ചു കയറ്റി പീഡിപ്പിക്കാന്‍ ശ്രമിച്ചുവെന്നാണ് ഇരുവര്‍ക്കുമെതിരെയുള്ള കേസ്.
വ്യാഴാഴ്ചയായിരുന്നു കേസിനാസ്പദമായ സംഭവം. വീട്ടിലേക്ക് നടന്നു പോവുകയായിരുന്ന അധ്യാപികയെ സുശീല്‍ കാറില്‍ പിന്തുടര്‍ന്നു. മോശം വാക്കുകള്‍ ഉപയോഗിച്ച് സംസാരിച്ചു. തുടര്‍ന്ന് സുശീലും െ്രെഡവറും ചേര്‍ന്ന് അധ്യാപികയെ ബലമായി കാറില്‍ പിടിച്ചു കയറ്റാന്‍ ശ്രമിച്ചു. അധ്യാപികയുടെ നിലവിളി കേട്ട് ഓടിയെത്തിയ അവരുടെ ഭര്‍ത്താവും നാട്ടുകാരും ചേര്‍ന്ന് സുശീലിനെയും െ്രെഡവറെയും മര്‍ദിക്കുകയും പിന്നീട് പൊലീസ് കൈമാറുകയും ചെയ്തുവെന്നാണ് ചില വൃത്തങ്ങള്‍ പറയുന്നത്. സംഭവസമയത്ത് സുശീലും െ്രെഡവറും മദ്യപിച്ചിരുന്നതായും ചില റിപ്പോര്‍ട്ടുകളുണ്ട്.
അതേസമയം, കേസില്‍ കൈകടത്തില്ലെന്ന് മന്ത്രി രാവേല കിഷോര്‍ വ്യക്തമാക്കി. ഭരണഘടനയെയും നിയമത്തെയും ആദരിക്കുന്നവരാണ് എന്റെ കുടുംബം. കേസില്‍ പറഞ്ഞിരിക്കുന്ന കാര്യങ്ങള്‍ ശരിയാണോ അല്ലയോയെന്ന് പൊലീസ് അന്വേഷണത്തിലൂടെ മാത്രമേ തെളിയിക്കാന്‍ കഴിയൂവെന്നും അദ്ദേഹം വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha