ഇന്ന് ലോകവനിതാദിനം ആചരിക്കുമ്പോള്‍ ഓരോ ഇന്ത്യന്‍ മഹിളകള്‍ക്കും പ്രചോദനമായി ഒരു സന്തോഷവാര്‍ത്ത. രാജ്യത്തെ ആദ്യത്തെ വനിതാ ഫൈറ്റര്‍ പൈലറ്റ് സംഘത്തെ വരുന്ന ജൂണ്‍ 18നു കാണാന്‍ കഴിയുമെന്ന് എയര്‍ ചീഫ് മാര്‍ഷല്‍ അരൂപ് രാഹ പ്രഖ്യാപിച്ചു. മൂന്നു വനിതാ ട്രെയിനികള്‍ യുദ്ധസമയത്ത് പ്രവര്‍ത്തിക്കാന്‍ സന്നദ്ധത അറിയിച്ച് മുന്നോട്ടു വന്നിട്ടുണ്ട്. അവരുടെ രണ്ടാം ഘട്ട പരിശീലനം നടക്കുകയാണ്. മൂവരുടെയും പരിശീലനം പൂര്‍ത്തിയായി പുരുഷ സഹപ്രവര്‍ത്തകര്‍ക്ക് തുല്യരായി കഴിഞ്ഞാല്‍ അവരുടെ പാസിങ്ങ്ഔട്ട് പരേഡ് ജൂണില്‍ നടക്കുമെന്നും അദ്ദേഹം പറഞ്ഞു.

തുടര്‍ന്ന് അവരെ ജെറ്റ് പരിശീലനത്തിനു അയക്കുമെന്നും പിന്നീട് അവരെ സേനയിലേക്ക് അയക്കുമെന്നും രാഹ വ്യക്തമാക്കി.ഫൈറ്റര്‍ പൈലറ്റുകളാക്കാന്‍ വനിതകളെ പ്രോത്സാഹിപ്പിക്കണമെന്ന വ്യോമസേനയുടെ അഭിപ്രായത്തെ അംഗീകരിച്ച പ്രതിരോധ മന്ത്രിയോട് നന്ദി അറിയിക്കുന്നു. ആര്‍മി മെഡിക്കല്‍ കോര്‍പ്പ്‌സാണ് (എ.എം.സി)വനിതകള്‍ക്ക് പ്രതിരോധമേഖലയില്‍ സേവനം അനുഷ്ഠിക്കാനുള്ള അവസരം ആദ്യമായി നല്‍കിയത് എന്ന് എ.എം.സിയില്‍ നടന്ന സെമിനാറില്‍ രാഹ പറഞ്ഞു.

എന്നാല്‍ കഴിഞ്ഞ വര്‍ഷം മാര്‍ച്ചില്‍ ഫൈറ്റര്‍ വിമാനങ്ങള്‍ പറത്താന്‍ വനിതകള്‍ക്ക് ശാരീരിക ക്ഷമതയില്ല. വെല്ലുവിളി നേരിടുന്ന ജോലിയാണിത്. പ്രത്യേകിച്ച് ശാരീരിക അസ്വസ്ഥതകള്‍ ഉള്ളസമയങ്ങളില്‍ മണിക്കൂറുകളോളം വിമാനം നിയന്ത്രിക്കാന്‍ അവര്‍ക്ക് സാധിക്കില്ല എന്ന് രാഹ അഭിപ്രായപ്പെട്ടിരുന്നു. പിന്നീട് വനിതകള്‍ക്ക് ഫൈറ്റര്‍ പൈലറ്റുകള്‍ ആകാന്‍ കഴിയുമെന്നതില്‍ തനിക്ക് യാതൊരു സംശയവുമില്ലയെന്ന് അദ്ദേഹം അഭിപ്രായം മാറ്റിയിരുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha