ജെഎന്‍യു വിദ്യാര്‍ത്ഥി നേതാവ് കനയ്യാകുമാര്‍ വനിതാദിനത്തില്‍ ഒരു പരിപാടിയില്‍ നടത്തിയ പ്രസംഗം വീണ്ടും വിവാദത്തില്‍. ഹൈക്കോടതിയുടെ ജാമ്യ ഉപാധികള്‍ക്ക് വിരുദ്ധമാണെന്ന് കാണിച്ച് ബിജെപിയുടെ യുവജനവിഭാഗമാണ് രംഗത്ത് വന്നത്.
കനയ്യാകുമാറിനെതിരേ ഇവര്‍ പോലീസില്‍ പരാതി നല്‍കി. ജെഎന്‍യുവില്‍ നടന്ന സ്ത്രീപക്ഷ പരിപാടിയില്‍ സൈനികരോട് അങ്ങേയറ്റം ബഹുമാനം നിലനില്‍ക്കുമ്പോള്‍ തന്നെ കശ്മീരില്‍ സ്ത്രീകളെ ബലാത്സംഗത്തിന് ഇരയാക്കുന്നത് സുരക്ഷാ ഉദ്യോഗസ്ഥര്‍ തന്നെയാണെന്നായിരുന്നു കനയ്യയുടെ പ്രസ്താവന. എന്നാല്‍ ദേശവിരുദ്ധ പരാമര്‍ശങ്ങള്‍ നടത്തരുതെന്ന കനയ്യയുടെ ജാമ്യ വ്യവസ്ഥയ്ക്ക് വിരുദ്ധമാണ കാണിച്ചാണ് യുവമോര്‍ച്ച രംഗത്ത് വന്നത്. എന്നാല്‍ കനയ്യ നടത്തിയത് ആഗോളമായി സ്ത്രീകള്‍ നേരിടുന്ന വെല്ലുവിളിയെ കുറിച്ചാണെന്നാണ് എഐഎസ്എഫിന്റെ വിശദീകരണം.
നിങ്ങള്‍ എത്ര തടയാന്‍ ശ്രമിക്കുന്നുവോ അത്ര തന്നെ മനുഷ്യാവകാശ ലംഘനത്തിനെതിരേ ഞങ്ങള്‍ ശബ്ദമുയര്‍ത്തും. അഫ്‌സപയ്‌ക്കെതിരേ ശബ്ദമുയര്‍ത്തുന്ന ഞങ്ങള്‍ സൈനികരോട് അങ്ങേയറ്റം ബഹുമാനം കാട്ടുമ്പോള്‍ തന്നെ സുരക്ഷാ ഉദ്യോഗസ്ഥര്‍ പിച്ചിച്ചീന്തുന്ന കശ്മീരി സ്ത്രീകളുടെ കാര്യവും പറയുമെന്ന് ചൊവ്വാഴ്ച രാത്രിയില്‍ നടന്ന വനിതാദിന റാലിയില്‍ പങ്കെടുത്തു സംസാരിക്കവേ കനയ്യ പറഞ്ഞു. റുവാണ്ടയില്‍ 1000 സ്ത്രീകളാണ് ബലാത്സംഗത്തിനിരയായത്. ആഫ്രിക്കയിലെ വംശീയ കലാപത്തില്‍ സൈനിക ഇടപെടലുകള്‍ ഉണ്ടാകുമ്പോള്‍ അവര്‍ ആദ്യം ചെയ്യുന്നത് സ്ത്രീകളെ ബലാത്സംഗം ചെയ്യുകയാണ്. ഗുജറാത്തില്‍ സ്ത്രീകള്‍ കൊല്ലപ്പെടുക മാത്രമല്ല ആദ്യം ബലാത്സംഗത്തിനിരയാകുകയും ചെയ്യുന്നതായി കനയ്യ കൂട്ടിച്ചേര്‍ത്തു.
അതേസമയം സൈനികര്‍ക്കെതിരേ പറഞ്ഞതിനെതിരേ ഭാരതീയ ജനതാ യുവമോര്‍ച്ച വസന്ത് വിഹാര്‍ പോലീസ് സ്‌റ്റേഷനിലാണ് കനയ്യയ്‌ക്കെതിരേ പരാതി നല്‍കിയത്. കനയ്യയ്‌ക്കൊപ്പം ഫെബ്രുവരി 9 ന് നടത്തിയ പ്രസ്താവനയുടെ പേരില്‍ ജെഎന്‍യു പ്ര?ഫസര്‍ നിവേദിതാ മേനോനെതിരേയും പരാതി നല്‍കിയിട്ടുണ്ട്. ഇന്ത്യന്‍ സൈനികര്‍ക്കെതിരേ വിഷലിപ്തമായ വാക്കുകളാണ് കനയ്യാ നടത്തിയതെന്നും ഇന്ത്യന്‍ സൈനികരെ കശ്മീരി സ്ത്രീകളുടെ ബലാത്സംഗക്കാരാക്കി ചിത്രീകരിച്ചെന്ന് ബിജെവൈഎം പുറത്തുവിട്ട പ്രസ്താവനയില്‍ വ്യക്തമാക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha