മരപ്പണിക്കാന്റെ മകനായത് കൊണ്ടാണോ നിങ്ങള് അവനെ ചവിട്ടി മെതിച്ചത്, ഒരു കുടുംബത്തിന്റെ പ്രതീക്ഷകള് മുഴുവന് തകര്ത്തിട്ടും അധികൃതര്ക്കും മൗനം, കണ്ണീരുണങ്ങാതെ നജീബിന്റെ ഉമ്മ ജെഎന്യുവില്
കാമ്പസില്നിന്ന് ദുരൂഹമായി കാണാതായ മകന് നജീബ് അഹ്മദിനത്തെിരക്കി ഉത്തര്പ്രദേശിലെ ബദായൂനില്നിന്ന് എത്തിയതാണ്. കാമ്പസില്നിന്ന് ദുരൂഹമായി കാണാതായ മകന് നജീബ് അഹ്മദിനത്തെിരക്കി ഉത്തര്പ്രദേശിലെ ബദായൂനില്നിന്ന് എത്തിയതാണ് ഫാത്തിമാ നഫീസ്. മരപ്പണിയായിരുന്നു ഉപ്പക്ക്. ഹൃദ്രോഗമുണ്ട്, വീഴ്ചയില് പരിക്കുപറ്റി കിടപ്പാണ്. ഒരു കടമുറിയുടെ വാടകകൊണ്ടാണ് കുടുംബം കഴിയുന്നത്. നജീബ് പഠിച്ച് കരപറ്റുമ്പോള് കഷ്ടതകളെല്ലാം നീങ്ങും എന്ന പ്രതീക്ഷയിലായിരുന്നു ഞങ്ങള്. ആര്ക്കും ഒരു ഉപദ്രവവും ചെയ്യാത്ത കുട്ടിയാണവന്. പഠിക്കണം, വലുതാവണം എന്ന മോഹം മാത്രമേ അവനുണ്ടായിരുന്നുള്ളൂ. ഇതുപോലൊരിടത്ത് പഠിപ്പിക്കാന് കഴിയുമെന്ന് കരുതിയതല്ല. ജാമിഅയിലും അലീഗഢിലും ഹംദര്ദിലുമെല്ലാം നജീബ് പ്രവേശന പരീക്ഷ എഴുതിയിരുന്നു, ജാമിഅയില് ചേരുകയും ചെയ്തു, അതിനു ശേഷമാണ് ജെ.എന്.യു പ്രവേശം ലഭിച്ചത്.
അവന് ഇഷ്ടമുള്ളിടത്ത് പഠിക്കാന് വിടണം എന്നായിരുന്നു ഞങ്ങളുടെ ആഗ്രഹം. ഇനി വേറെ ആഗ്രഹങ്ങളില്ല, അവനെയൊന്ന് കാണണം, പിന്നെ എന്റെ കുട്ടിയെയും കൂട്ടി വീട്ടിലേക്ക് പൊയ്ക്കോളാം. കാണാതായി ദിവസങ്ങള് കഴിഞ്ഞിട്ടും അധികൃതരൊന്നും അല്പനേരം ഫാത്തിമാ നഫീസിന്റെ അടുത്തിരിക്കാനോ ആശ്വാസവാക്കു പറയാനോ തയാറായിട്ടില്ല.
അതെ സമയം ജെഎന്യു ഒന്നാം വര്ഷ എംഎസ് സി വിദ്യാര്ത്ഥി നജീബ് അഹ്മദ്ദിനെ കാണാതായ സംഭവത്തില് ക്യാമ്പസില് വിദ്യാര്ത്ഥി പ്രതിഷേധം ശക്തമാകുന്നു. നജീബിനെ കണ്ടെത്താനുള്ള ഇടപെടല് നടത്തുന്നില്ലെന്നാരോപിച്ച് ഇരുന്നൂറോളം വരുന്ന വിദ്യാര്ത്ഥികള് ഇന്നലെ വൈസ് ചാന്സലറെ തടഞ്ഞു വച്ചു.
''ഇന്നലെ ഉച്ചയ്ക്ക് 2.30 മുതല് ഒരാവശ്യവുമില്ലാതെയാണ് വിദ്യാര്ത്ഥികള് ഞങ്ങളെ തടഞ്ഞു വച്ചത്. നജീബിനെ ഉടന് മോചിപ്പിക്കുക എന്ന യുക്തിരഹിതമായ ആവശ്യമാണ് വിദ്യാര്ത്ഥികള് ഉന്നയിച്ചത്. എന്റെ കയ്യിലൊതുങ്ങുന്ന കാര്യങ്ങളല്ലെ ഇവയെല്ലാം. ഞങ്ങള്ക്ക് ചെയ്യാന് കഴിയുന്നതിന്റെ പരമാവധി ചെയ്യുന്നുണ്ട്. നജീബിന്റെ മടങ്ങി വരവാണ് ഞങ്ങളും ആഗ്രഹിക്കുന്നത്. ഞങ്ങള് പറയുന്നതു കേള്ക്കാന് വിദ്യാര്ത്ഥികള് തയ്യാറാകുന്നില്ല'' വിസി എം ജഗദീഷ് കുമാര് പറഞ്ഞു.
''വിസിയെ മുറിയില് പൂട്ടിയിട്ടിട്ടില്ല. അഡ്മിനിസ്ട്രേറ്റീവ് ബ്ലോക്കിനു മുന്നില് ഞങ്ങള് എല്ലാവരും കിടക്കുകയാണ് ചെയ്തത്. ഞങ്ങളുടെ മുകളിലൂടെ നടന്നു പുറത്തുപോകാനാണ് വിസിയോട്ആവശ്യപ്പെട്ടത്. വിസിയുടേയും മറ്റു ഉദ്യോഗസ്ഥരുടേയും മുറിയില് വെള്ളവും വൈദ്യുതിയും ഉണ്ടായിരുന്നു'' വിദ്യാര്ത്ഥി യൂണിയന് പ്രസിഡന്റ് മോഹിത് പാണ്ഡേ പറഞ്ഞു. കഴിഞ്ഞ ശനിയാഴ്ച മുതലാണ് നജീബിനെ ദുരൂഹ സാഹചര്യത്തില് കാണാതായത്. കാണാതാകുന്നതിന്റെ തലേ ദിവസം എബിവിപി പ്രവര്ത്തകര് സംഘം ചേര്ന്ന് നജീബിനെ ആക്രമിച്ചിരുന്നു. നജീബ് താമസിക്കുന്ന ഹോസ്റ്റലില് എത്തിയാണ് ആക്രമിച്ചത്.
https://www.facebook.com/Malayalivartha
