സ്വന്തം ജീവനക്കാര്‍ക്ക് കോടികളുടെ ദീപാവലി സമ്മാനങ്ങള്‍ നല്‍കിയിരിക്കുകയാണ് ഒരു തൊഴിലുടമ. ഗുജറാത്തിലെ രത്‌ന വ്യാപാരി സാവ്ജി ധൊലാക്കിയ ഇക്കുറിയും തന്റെ പതിവ് തെറ്റിക്കാതെ സമ്മാനങ്ങള്‍ നല്‍കിയത്. 51 കോടി മുടക്കി 400 ഫല്‍റ്റുകളും 1260 കാറുകളുമാണ് ധൊലാക്കിയയുടെ ഹരേ കൃഷ്ണ എക്‌സ്‌പോര്‍ട്ട്‌സ് ഇത്തവണത്തെ ദീപാവലി ബോണസായി ജീവനക്കാര്‍ക്ക് നല്‍കിയത്.

കഴിഞ്ഞ ദീപാവലിക്ക് 491 കാറുകളും 200 ഫല്‍റ്റുകളുമായിരുന്നു ധോലാക്കിയുടെ ദീപാവലി സമ്മാനം. 2011 മുതലാണ് ധൊലാക്കിയ കോടിക്കണക്കിന് രൂപയുടെ സമ്മാനങ്ങള്‍ ജീവനക്കാര്‍ക്ക് നല്‍കുന്ന പതിവ് തുടങ്ങിയത്. ജീവിതം പഠിക്കാനായി മൂന്ന് ജോഡി വസ്ത്രവും 7000 രൂപയും മാത്രം നല്‍കി മകനെ കേരളത്തിലേക്ക് പറഞ്ഞയച്ച് വാര്‍ത്തകളിലിടം പിടിച്ചിരുന്നു ഗുജറാത്തുകാരനായ ധൊലാക്കിയ.

കോടീശ്വര പുത്രന്‍ പരിമിതമായ സൗകര്യങ്ങളില്‍ ജീവിതം പഠിക്കാന്‍ കൊച്ചിയില്‍ എത്തിയ സംഭവം അന്ന് വലിയ വാര്‍ത്തയായിരുന്നു.