തെലുങ്കാന ബില് ലോക്സഭയില് അവതരിപ്പിച്ചു, പ്രതിഷേധം രൂക്ഷം
വന് പ്രതിഷേധത്തിനിടയിലും തെലുങ്കാന സംസ്ഥാന രൂപീകരണത്തിനുള്ള ബില് ലോക്സഭയില് അവതരിപ്പിച്ചു. കേന്ദ്ര ആഭ്യന്തരമന്ത്രി സുശീല് കുമാര് ഷിന്ഡെയാണ് ബില് അവതരിപ്പിച്ചത്. ഐക്യ ആന്ധ്ര അനുകൂലികളുടെ ബഹളത്തെ തുടര്ന്ന് സഭ 12 മണിക്ക് നിര്ത്തിവെച്ചു. ലോക്സഭയ്ക്കകത്തും പുറത്തും അംഗങ്ങള് തമ്മില് കയ്യാങ്കളിയുണ്ടായി. എന് രാജഗോപാല് എംപി സഭക്ക് അകത്ത് കുരുമുളക് സ്പ്രേ ഉപയോഗിച്ചു. സീമാന്ധ്ര എംപി ആത്മഹത്യക്ക് ശ്രമിച്ചു.
ഇന്ന് ഉച്ചയോടെ ബില് അവതരിപ്പിക്കാനായിരുന്നു സര്ക്കാര് തീരുമാനം. കനത്ത സുരക്ഷയാണ് പാര്ലമെന്റില് ഏര്പ്പെടുത്തിയിരുന്നത്.
ബില് രാജ്യസഭയില് അവതരിപ്പിക്കാനാണ് നേരത്തെ ഉദ്ദേശിച്ചിരുന്നത്. ബില്ലിന് സാമ്പത്തികവശം കൂടിയുള്ളതുകൊണ്ട് ലോക്സഭയില് തന്നെയാണ് ആദ്യം അവതരിപ്പിക്കേണ്ടത് എന്ന നിയമോപദേശം ലഭിച്ചതുകൊണ്ടാണ് ബില് ലോക്സഭയില്തന്നെ അവതരിപ്പിച്ചത്.
സീമാന്ധ്ര, തെലങ്കാന എന്നിങ്ങനെ രണ്ട് സംസ്ഥാനാങ്ങളായാണ് ആന്ധ്രപ്രദേശ് വിഭജിക്കുന്നത്. പത്ത് വര്ഷത്തേയ്ക്ക് ഹൈദരാബാദാണ് ഇരു സംസഥാനങ്ങളുടെയും പൊതു തലസ്ഥാനം. രാജ്യത്ത് 29ാമത് സംസ്ഥാനമായി തെലുങ്കാന രൂപികരിക്കുവാന് യുപിഎ ഏകോപനസമിതിയും കോണ്ഗ്രസും പ്രവര്ത്തകസമിതിയും ജൂലൈ 30ന് അനുമതി നല്കിയിരുന്നു.
https://www.facebook.com/Malayalivartha
