റിലയന്‍സിനെ തൊട്ടപ്പോള്‍ സാധാരണക്കാരുടെ പാര്‍ട്ടിയെന്ന്‌ വീരവാദം മുഴക്കിയ കോണ്‍ഗ്രസും ബിജെപിയും ഒറ്റക്കെട്ടായി തങ്ങള്‍ക്കെതിരെ ഒന്നിച്ചെന്ന ആരോപണവുമായി അരവിന്ദ്‌ കെജ്‌രിവാള്‍ മുഖ്യമന്ത്രിസ്‌ഥാനം രാജിവെച്ചു. ജനലോക്‌പാല്‍ ബില്‍ അവതരിപ്പിക്കാന്‍ കഴിയാതെ വന്നതിനെ തുടര്‍ന്നാണ്‌ രാജി. ഡല്‍ഹി മുഖ്യമന്ത്രിയാകാനല്ല അഴിമതിക്കെതിരെ പോരാടാനാണ് സര്‍ക്കാര്‍ ഉണ്ടാക്കിയതെന്ന് നേരത്തേ കെജ്‌രിവാള്‍ പ്രതികരിച്ചു. നിയമസഭ പിരിച്ചുവിടാന്‍ ഗവര്‍ണറോട് കെജ്‌രിവാള്‍ ശുപാര്‍ശ ചെയ്തു.

48ദിവസം നീണ്ട രാഷ്ട്രീയ പരീക്ഷണത്തിനാണ് കെജ്‌രിവാളിന്റെ രാജിയോടെ വിരാമമാകുന്നത്. കോണ്‍ഗ്രസും ബിജെപിയും ഒന്നിച്ച് എതിര്‍ത്തതോടെയാണ് ജന്‍ ലോക്പാല്‍ ബില്‍ അവതരിപ്പിക്കാനാകാതെ പരാജയപ്പെട്ടത്. ജന്‍ ലോക്പാല്‍ ബില്‍ പാസാക്കിയില്ലെങ്കില്‍ രാജിവെയ്ക്കുമെന്ന് നേരത്തെ കെജ്‌രിവാള്‍ വ്യക്തമാക്കിയിരുന്നു. ബില്‍ അവതരണം പരാജയപ്പെട്ടതോടെ ഡല്‍ഹിയിലെങ്ങും പ്രതിഷേധത്തിന് ആഹ്വാനം ചെയ്ത കെജ്‌രിവാള്‍ അഴിമതി ഇല്ലാതാക്കാന്‍ നൂറ് രാജിവെയ്ക്കാന്‍ തയ്യാറെന്ന് നിയമസഭയില്‍ പറഞ്ഞു.

ബില്‍ പരാജയപ്പെട്ടശേഷം സഭയെ അഭിസംബോധന ചെയ്ത സംസാരിക്കവേയാണ് അഴിമതി ഇല്ലാതാക്കാന്‍ രാജിവെയ്ക്കാന്‍ താന്‍ തയ്യാറാണെന്ന് കെജ്‌രിവാള്‍ വ്യക്തമാക്കിയത്. ഇത് തങ്ങളുടെ അവസാന സെക്ഷനാണെന്നും കെജ്‌രിവാള്‍ മറുപടി പ്രസംഗത്തില്‍ വ്യക്തമാക്കി. സ്ഥാനം ത്യജിക്കാന്‍ തയ്യാറാണെന്നും ഈ വിപ്ലവം തങ്ങള്‍ പാര്‍ലമെന്റില്‍ തുടരുമെന്നും കെജ്‌രിവാള്‍ പറഞ്ഞു.

ബില്‍ അവതരണം പരാജയപ്പെട്ടതോടെ ആം ആദ്മി നേതാക്കന്മാരോട് പാര്‍ട്ടി ആസ്ഥാനത്തേക്ക് എത്താന്‍ കെജ്‌രിവാള്‍ ആവശ്യപ്പെട്ടിട്ടിരുന്നു. ഇതോടെ രാജി വെയ്ക്കുമെന്ന ആഭ്യൂഹം ശക്തമായിരുന്നു. ആം ആദ്മി പാര്‍ട്ടി അടിയന്തിര ഉന്നതതല യോഗവും വിളിച്ചിരുന്നു.

ലഫ്റ്റനന്റ് ഗവര്‍ണറുടെ വിലക്ക് മറികടന്നാണ് കെജ്‌രിവാള്‍ ജന്‍ ലോക്പാല്‍ ബില്‍ സഭയില്‍ അവതരിപ്പിച്ചത്. കോണ്‍ഗ്രസും ബിജെപിയും ഒന്നിച്ച് എതിര്‍ത്ത ബില്‍ 42-27 പരാജയപ്പെട്ടു. ഇതോടെയാണ് 48 ദിവസം മാത്രമുള്ള കെജ്‌രിവാള്‍ സര്‍ക്കാര്‍ പ്രതിസന്ധിയിലായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha