കാര്യങ്ങള് കൈവിട്ടു പോകുമോ? റംസാനിലും വെള്ളിയാഴ്ചകളിലും മദ്രസകള്ക്ക് അവധിയില്ല: അസം സര്ക്കാര്
വെള്ളിയാഴ്ചകളിലും റംസാന് മാസത്തിലും സംസ്ഥാനത്തെ മദ്രസകള്ക്ക് അവധി നല്കാനാവില്ലെന്ന് അസം സര്ക്കാര്. സര്ക്കാരിന്റെ കീഴിലുള്ള മദ്രസകള്ക്ക് വെള്ളിയാഴ്ച അവധി നല്കാനാവില്ലെന്നാണ് അസം വിദ്യാഭ്യാസ വകുപ്പിന്റെ തീരുമാനം.
ഞായറാഴ്ചയാണ് സര്ക്കാര് അനുവദിച്ചിട്ടുള്ള അവധി ദിവസം. ആഴ്ചയില് രണ്ട് അവധി ദിനങ്ങള് അനുവദിക്കാനാകില്ല, അങ്ങനെയൊരു നിയമം നിലവിലില്ലെന്നും മാത്രമല്ല വെള്ളിയാഴ്ചകളില് ജോലി ചെയ്യുന്നതിന് അധ്യാപകര്ക്ക് ശമ്ബളം നല്കുന്നുണ്ടെന്നുമാണ് അസം വിദ്യാഭ്യാസ വകുപ്പ് മന്ത്രി ഹിമന്ത ബിശ്വശര്മ്മ പറഞ്ഞത്.
സര്ക്കാര് ഒരു മതത്തിനും എതിരല്ല, എന്നാല് നിയമം നടപ്പിലാക്കാന് സര്ക്കാരിന് ബാധ്യതയുണ്ടെന്നും സംസ്ഥാനത്തെ എല്ലാ മദ്രസകളും വെള്ളിയാഴ്ച തുറന്നുപ്രവര്ത്തിക്കാന് ആവശ്യപ്പെട്ട് ഉടന് ഉത്തരവിറക്കുമെന്നും അദ്ദേഹം പറഞ്ഞു.
ഞായറാഴ്ചകള് കൂടാതെ വേറൊരു ദിവസം കൂടെ മദ്രസകള്ക്ക് അവധി വേണമെങ്കില് അതില് തീരുമാനമെടുക്കേണ്ടത് കേന്ദ്രസര്ക്കാരാണെന്നാണ് അസം സര്ക്കാരിന്റെ വാദം. ഇതിനായി മദ്രസകള് കേന്ദ്രസര്ക്കാരിന് അപേക്ഷ നല്കണമെന്നും വെള്ളിയാഴ്ചയും റംസാന് മാസത്തിലും അവധി നല്കണമെങ്കില് കേന്ദ്രസര്ക്കാരിന്റെ അനുമതി ആവശ്യമാണെന്നും അസം വിദ്യാഭ്യാസ മന്ത്രി ഹിമന്ത ബിശ്വശര്മ്മ അറിയിച്ചു.
https://www.facebook.com/Malayalivartha
