ലോകസഭ ഇലക്ഷന് 3500 കോടി രൂപ ചെലവാകുമെന്ന് ഇലക്ഷന് കമ്മീഷന്
പണമെറിഞ്ഞ് വോട്ടു വാരുന്ന പതിവ് എല്ലാ ഇലക്ഷനും പതിവാണ്. കോടികള് കണക്കില്ലാതെ പറപ്പിക്കുന്ന തിരഞ്ഞെടുപ്പ് അടുത്തതിനാല് പറക്കാനിരിക്കുന്നവയുടെ എകദേശകണക്കുമായി ഇലക്ഷന് കമ്മീഷന് രംഗത്ത്. വരാനിരിക്കുന്ന ലോകസഭ ഇലക്ഷന് 3500 കോടി രൂപ ചെലവാകുമെന്നാണ് ഇലക്ഷന് കമ്മീഷന്റെ അഭിപ്രായം. രാഷ്ട്രീയ പാര്ട്ടികള് ചെലവാക്കുന്നതും സുരക്ഷാ ചുമതലകള്ക്ക് ചെലവാകുന്നതുമായ തുകകള്ക്ക് പുറമെയാണിത്. ഇലക്ഷനില് ചെലവ് എത്രത്തോളം വരുമെന്നതിനെ കുറിച്ച് പഠനം നടത്തിയിതിനു ശേഷമാണ് ഈ വിവരം പുറത്തുവിട്ടത്.
എല്ലാ സംസ്ഥാനങ്ങളും ചെലവാകുന്ന തുക എത്രയാകുമെന്ന് കേന്ദ്രത്തെ അറിയിക്കണം. ഇലക്ഷന് കമ്മീഷന്റെ കണക്കുകൂട്ടലില് 3500 കോടിയോളം വരുമെന്നാണ്. ഇത് ഉദ്ദേശം മാത്രമാണെന്നാണ് വെളിപ്പെടുത്തല്.
2009 ല് ഇലക്ഷന് ചെലവായ 1400 കോടി രൂപയെ അപേക്ഷിച്ച് ഇത്തവണ 150 ശതമാനത്തോളം കൂടുതല് ആയേക്കുമെന്നാണ് ഈ കണക്കുകള് സൂചിപ്പിക്കുന്നത്.
പരസ്യങ്ങള്, തെരുവ് നാടകങ്ങള്, അല്ലാതെയുളള പ്രചരണങ്ങള് ഇതെല്ലാം വഴി കഴിഞ്ഞ 5 വര്ഷത്തിനുള്ളില് ഇലക്ഷന് നടപടികള്ക്കായി രാജ്യത്ത് വന് തോതില് പണം ചെലവാക്കുന്നുണ്ട്. ഇലക്ഷന് ജോലി ചെയ്യുന്നവര്ക്ക് പരിശീലനം നല്കുക, യാത്ര ചെലവ് നല്കുക. പ്രതിഫലം നല്കുക തുടങ്ങിയവയും ഉള്പ്പെടും. ഇതിനെല്ലാം ചെലവാകുന്ന തുകയുള്പ്പെടെയാണ് ഇലക്ഷനുള്ള മൊത്തം ചെലവായി കണക്കാക്കുന്നത്.
ഇലക്ഷന് നടപടി ക്രമങ്ങള് ഡിജിറ്റലൈസ് ചെയ്യുക, വോട്ട് വാങ്ങുന്നതി തടയുക തുടങ്ങിയ കാര്യങ്ങളും ഇലക്ഷന് കമ്മീഷന്റെ നേതൃത്വത്തില് നടക്കുന്നുണ്ട്. കൂടുതലും ആന്ധ്രാപ്രദേശ്, തമിഴ്നാട് ഭാഗങ്ങളിലാണ് ഇങ്ങനെ. ആയതിനാല് ബോധവത്ക്കരണപരിപാടികളും സംഘടിപ്പിച്ചിട്ടുണ്ട്.
1952 ല് നടന്ന ആദ്യ ഇലക്ഷനില് 10.45 കോടിയായിരുന്നു ചെലവ്. എന്നാല് 1957ല് 5.9 കോടിയും, 1977 ല് 23 കോടിയും 1980 ല് 54 കോടിയും, 1989 ല് 154 കോടിയും, 1991 ല് 359 കോടിയും 1996 ല് 597 കോടിയും, 1999 ല് 880 കോടിയുമായിരുന്നു ചെലവ്. അങ്ങനെ പടിപടിയായി ഉയര്ന്നാണ് ഇപ്പോള് 3500 കോടിയായി നില്ക്കുന്നത്.
https://www.facebook.com/Malayalivartha