യു.പി നിയമസഭയില് കുര്ത്തയൂരി പ്രതിഷേധം, കാശ്മീര് സഭയില് മാര്ഷലിന് മര്ദ്ദനമേറ്റു
ഉത്തര്പ്രദേശ്, ജമ്മു കാശ്മീര് നിയമസഭകള് നാടകീയ രംഗങ്ങള്ക്ക് വേദിയായി. യു.പി നിയമസഭയില് ഗവര്ണര് ബിഎല് ജോഷി നയപ്രഖ്യാപന പ്രസംഗം നടത്തുന്നതിനിടെ പ്രതിപക്ഷമായ ബിഎസ്പിയും ലോക്ദള് പാര്ട്ടിയും പ്രതിഷേധവുമായി നടുത്തളത്തിലിറങ്ങി. സമാജ്വാദി സര്ക്കാര് അഴിമതിയില് മുങ്ങിയെന്ന് ആരോപിച്ച് ബാനറുകളുമായി സഭയില് എത്തിയ അംഗങ്ങളില് ചിലര് ഇരിപ്പിടത്തില് കയറി നിന്ന് പ്രതിഷേധിച്ചു. മറ്റു ചിലരാകട്ടെ മേശപ്പുറത്ത് കയറി ഷര്ട്ടൂരി പ്രതിഷേധിച്ചു. ലോക്ദള് എംപിമാരായ സൂരേഷ് ശര്മ്മ, വീര് പല് രതി എന്നിവരാണ് കുര്ത്തയഴിച്ച് പ്രതിഷേധിച്ചത്. പടിഞ്ഞാറന് യു.പിയിലെ കരിമ്പ് കര്ഷകരുടെ അവകാശങ്ങള് അംഗീകരിക്കണമെന്നാതായിരുന്നു എംഎല്എമാരുടെ ആവശ്യം. സഭാ നടപടികള് പൂര്ണ്ണമായും തടസ്സപ്പെടുത്തിയാണ് പ്രതിപക്ഷ പാര്ട്ടി അംഗങ്ങളുടെ പ്രതിഷേധം. ബഹളത്തെ തുടര്ന്ന് ഗവര്ണര് നയപ്രഖ്യാപന പ്രസംഗം നിര്ത്തിവെച്ച് നിയമസഭ വിടുകയായിരുന്നു. കേന്ദ്ര വ്യോമയാന മന്ത്രി അജിത് സിന്ഹ നേതൃത്വം നല്കുന്ന ഭാരതീയ ലോക്ദളിന് യുപി നിയമസഭയില് 8 അംഗങ്ങളാണുള്ളത്.
ജമ്മു കാശ്മീര് നിയമസഭയില് പിഡിപിയാണ് പ്രതിഷേധിച്ചത്. പിഡിപി അംഗം സയ്യദ് ബഷീര് സഭാ മാര്ഷലിനെ മര്ദ്ദിച്ചുവെന്ന് ദേശീയ മാധ്യമങ്ങള് റിപ്പോര്ട്ടു ചെയ്യുന്നു.
https://www.facebook.com/Malayalivartha
