മുന് പ്രധാനമന്ത്രിയുടെ ഘാതകരെ വെറുതേവിട്ടാല് സാധാരണക്കാര്ക്കെന്ത് നീതി ലഭിക്കും, തീരുമാനം ഏറെ ദുഖിപ്പിക്കുന്നുവെന്ന് രാഹുല് ഗാന്ധി
രാജീവ് ഗാന്ധി വധക്കേസില് കുറ്റക്കാരായ 7 പേരെ ജയില് മോചിതരാക്കാനുള്ള ജയലളിതയുടെ തീരുമാനത്തിനെതിരെ രാഹുല് ഗാന്ധി. മുന് പ്രധാനമന്ത്രിയുടെ ഘാതകരെ ജയില് മോചിതരാക്കരു തെന്നാണ് രാഹുല് പറയുന്നത്. പ്രധാനമന്ത്രിയെ കൊന്നവര് ജയില് മോചിതരായാല് സാധാരണ ജനങ്ങള് എന്ത് പ്രതീക്ഷിക്കണമെന്നും രാഹുല് ചോദിച്ചു.
തീരുമാനം ഏറെ ദു:ഖിപ്പിക്കുന്നതാണെന്നും അതേസമയം, വധശിക്ഷയ്ക്ക് താന് എതിരാണെന്നും രാഹുല് കൂട്ടിച്ചേര്ത്തു. സുപ്രീംകോടതി വധശിക്ഷ റദ്ദാക്കിയവരെ മോചിപ്പിക്കാനുള്ള ജയലളിതയുടെ തീരുമാനത്തെ ഡിഎംകെയും സ്വാഗതം ചെയ്തു. തീരുമാനത്തെ കോണ്ഗ്രസ് അപലപിച്ചിട്ടുണ്ട്.
അടിയന്തിര മന്ത്രിസഭായോഗം ചേര്ന്നാണ് ജയലളിതാ സര്ക്കാര് തീരുമാനം എടുത്തത്. മൂന്ന് ദിവസത്തിനുള്ളില് കേന്ദ്രം തീരുമാനം എടുത്തില്ലെങ്കില് സ്വന്തം നിലയ്ക്ക സംസ്ഥാന സര്ക്കാര് തീരുമാനം എടുക്കേണ്ടി വരുമെന്നാണ് ജയലളിത നിയമസഭയില് പറഞ്ഞത്. അതേസമയം ആഭ്യന്തരമന്ത്രാലയത്തിന് കീഴിലെ സിബിഐയാണ് കേസില് റിപ്പോര്ട്ട് സമര്പ്പിച്ചിരിക്കുന്നതെന്നും അതുകൊണ്ട് തന്നെ തീരുമാനം എടുക്കേണ്ടത് ആഭ്യന്തരമന്ത്രാലയം ആണെന്നതാണ് കേന്ദ്രത്തിന്റെ നിലപാട്. വധശിക്ഷ റദ്ദാക്കിയ നടപടി തിരുത്താന് വേണ്ട നിയമനടപടികളെ കുറിച്ച് ചിന്തിക്കുകയാണ് കോണ്ഗ്രസ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
