പതിനാലുകാരിയുടെ വിവാഹംനിശ്ചയം പോലീസ് തടഞ്ഞു
കുമളിയിലെ റോസാപ്പൂക്കണ്ടത്ത് പതിനാലുകാരിയുടെ വിവാഹ നിശ്ചയം പോലീസും ചൈല്ഡ്ലൈന് അധികൃതരും ചേര്ന്ന് തടഞ്ഞു. ഏഴാം ക്ലാസില് പഠനം നിര്ത്തിയ തമിഴ് പെണ്കുട്ടിയെ അച്ഛനും പിതൃസഹോദരിയും ചേര്ന്ന് ഇന്നലെ വിവാഹം നടത്താന് തീരുമാനിക്കുകയായിരുന്നു.
പെണ്കുട്ടിയുടെ അമ്മ നേരത്തെ മരിച്ചു. ഇളയ രണ്ടു സഹോദരങ്ങള്ക്കും അച്ഛനുമൊപ്പമാണ് കുട്ടി കഴിഞ്ഞിരുന്നത് . തമിഴ് ആചാരമനുസരിച്ച് പെണ്കുട്ടികള് പ്രായമായാല് അമ്മാവന്മാരാണ് ഇവരെ കല്യാണം കഴിക്കുന്നത്. ഇവിടെ പെണ്കുട്ടിയേയും തമിഴ്ആചാരമനുസരിച്ചാണ് തമിഴ്നാട് കമ്പത്തുള്ള മുറൈമാമന് വിവാഹം ചെയ്തു കൊടുക്കാന് അച്ഛന് തീരുമാനിച്ചത്.
സമീപത്തെ അംഗന്വാടി ജീവനക്കാര് വീട്ടില് വിവാഹ ചടങ്ങ് നടക്കുന്നതറിഞ്ഞ് ചൈല്ഡ്ലൈന് അധികൃതരെ അറിയിക്കുകയായിരുന്നു. ഉടന് തന്നെ സ്ഥലത്തെത്തിയ എസ്.ഐ പി.ടി.ജോസഫ് കുട്ടിയുടെ അച്ഛനുമായി സംസാരിക്കുകയും വിവാഹത്തില് നിന്ന് പിന്തിരിയാനും ആവശ്യപ്പെട്ടു. ഇപ്പോള് പെണ്കുട്ടിയും കുടുംബവും പോലീസ് നിരീക്ഷണത്തിലാണ് .
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
