പൂനെയിലെ ഒരു സ്വകാര്യ ആശുപത്രിയില്‍ ഓപ്പറേഷന്‌ വിധേയനായ അമിന്‍ ഖോജ എന്നയാളുടെ നെഞ്ചിനുള്ളില്‍ ബ്‌ളെയ്‌ഡ്‌ കുടുങ്ങിയതിന്‌ നഷ്‌ടപരിഹാരമായി 65,000 രൂപ നല്‍കാന്‍ ഉപഭോക്തൃ കോടതി വിധിയായി. 1995 ല്‍ മൂത്രാശയസംബന്ധമായ ഓപ്പറേഷനായി ചെയ്‌തിരുന്നത്‌.
ഓപ്പറേഷന്‍ ചെയ്യുന്നതിനിടയില്‍ ബ്‌ളേഡ്‌ തെന്നി ആന്ത്രികാവയവങ്ങളിലേക്ക്‌ പോയെന്ന്‌ രണ്ട്‌ ഡോക്‌ടര്‍മാരെ പ്രതി ചേര്‍ത്ത്‌ രോഗി പരാതി നല്‍കിയിരുന്നു. ഖോജ സമര്‍പ്പിച്ച പരാതിയിന്മേല്‍ ആദ്യം ജില്ലാ ഫോറം 10,000 രൂപയാണ്‌ വിധിച്ചത്‌. അതിനുശേഷം സംസ്ഥാനകമ്മീഷനം 2003 ല്‍ ഖോജ സമീപിച്ച്‌ പരാതി നല്‍കി.
1995 ആഗസ്റ്റ്‌ 16 നാണ്‌ ഖോജയെ ആശുപത്രിയില്‍ പ്രവേശിപ്പിച്ചത്‌. ഓപ്പറേഷന്‍ കഴിഞ്ഞ്‌ 2 ദിവസമായപ്പോള്‍ ശക്തമായ നെഞ്ചുവേദന കാരണം എക്‌സ്‌റേ എടുത്തപ്പോഴാണ്‌ വിവരമറിയുന്നത്‌ . ആഗസ്റ്റ്‌ 18 ന്‌ മറ്റൊരു ശസ്‌ത്രക്രീയയിലൂടെ സ്‌കാല്‍പാല്‍ ബ്‌ളേഡ്‌ പുറത്തെടുത്തു.
ഖോജ 2001 ല്‍ ജില്ലാഫോറത്തില്‍ നല്‍കിയ പരാതിയിന്മേല്‍ 10,000 രൂപ വിധിച്ചു. എന്നാല്‍ ഖോജ സംസ്ഥാന ഫോറത്തെ സമീപിച്ചപ്പോള്‍ മുമ്പ്‌ പറഞ്ഞ 10,000 പുറമേ 45,000 കൂടി നല്‍കി. ഇതിനെല്ലാം പുറമെ ചെലവുകള്‍ക്കായി 10,000 രൂപയും അനുവദിച്ചു.