സ്ഥിര വരുമാനം ഉള്ള സ്ത്രീകള്ക്ക് വിവാഹമോചനത്തിന് ശേഷം ജീവനാംശത്തിന് അവകാശമില്ല
സ്ഥിര വരുമാനമില്ലാത്ത ഭാര്യയ്ക്ക് മാത്രമേ വിവാഹമോചനത്തിനു ശേഷം ജീവനാംശത്തിനു അവകാശമുള്ളുവെന്ന് മുബൈ ഹൈക്കോടതി ഉത്തരവ്.
അന്ധേരി സ്വദേശി ഷീല ശര്മ്മ(61) ഹര്ജി തള്ളിയാണ് ജസ്റ്റിസ് വിജയ കപസെ, ജസ്റ്റിസ് പി എന് ദേശ്മുഖ് എന്നിവരടങ്ങുന്ന ഡിവിഷന് ബെഞ്ച് ഉത്തരവ് പുറപ്പെടുവിച്ചത്. ഒസ്ട്രേലിയയില് കഴിയുന്ന മുന് ഭര്ത്താവ് നിതിന് ശര്മ്മയില് നിന്ന് 15,000 രൂപ മാസം ജീവനാംശം വേണമെന്നായിരുന്നു ഇവരുടെ ആവശ്യം.
2007ലായിരുന്നു ഇരുവരും വേര്പിരിഞ്ഞത്. ഭര്ത്താവില് നിന്ന് 2 ലക്ഷം രൂപയും ഒരു ഫ്ളാറ്റും ഷീലയ്ക്ക് ലഭിച്ചിരുന്നു. എന്നാല് ഇവയ്ക്ക് പുറമേ വിവിധ ബാങ്കുകളിലായി 50 ലക്ഷത്തോളം നിക്ഷേപമുണ്ടെന്ന് കോടതി കണ്ടെത്തി. ഇതില്നിന്ന് പലിശ ഇനമായി മാസം 37,500 രൂപ ലഭിക്കുന്നതായും കോടതി ചൂണ്ടിക്കാട്ടി. ഇതിനെ തുടര്ന്നാണ് കോടതി ഉത്തരവ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
